Albistea

• Lemoizko itsaslabarrak eta zentralaren inguruko lursailak babesteko proposamena berretsi du Etzandarri Mendi Taldeak

  2025-04-04
  Partekatu - Compartelo

  
  

  Etzandarri Mendi Taldeak, “instituzioen eta alderdi politikoen jarduerarik ezaren eta nagikerien aurrean”, Lemoizko itsaslabarrak eta, oro har, zentral nuklearraren inguruko lursailak babesteko landu duen proposamena eguneratu eta berriz zabaltzeko momentua iritsi dela erabaki du. Izan ere, “naturgune aparta hori berrezkuratzea premiazkoa da eta ekiteko ordua da”, diote.

  Hona hemen proposamena:

  https://sway.cloud.microsoft/nwvou1wOQUkjEipJ?ref=Link&loc=mysways

  Orain dela bost bat urte aurkeztu zuten, baita Eusko Legebiltzarrean ere, baina ez diete kasu handirik egin, bistan denez. Oraingoan, Jaurlaritzaren Irekia parte hartzeko plataforman ere inkesta bat plazaratu dute, alde edo kontra bozkatzeko aukera ematen duena:

  Irekia Eusko Jaurlaritza – Gobierno Vasco

  

  

  Zentralaren inguruan aurki daitezkeen parajetako bi. ARGAZKIAK: ETZANDARRI

  Bizkaiko Hitza-k oso tarte zabala eskaini dio gaur Lemoizko zentralaren etorkizunaren inguruko kezkari. Bi dira tarte horren osagai nagusiak: Etxandarriren proposamena, batetik, eta Carmen Abad Ibáñez de Mataucok Bilboko Arkitekto Elkargoan paratu duen erakusketa, bestetik. Hona hemen bati zein besteari buruz Bizkaiko Hitza-k plazaratutakoa:

  Lemoiz iluntasunetik askatzeko – Bizkaiko Hitza

  Lemoizko zentralaren ingurua naturgune babestu izendatzeko eskatu dute – Bizkaiko Hitza

  Ibáñez de Mataucoren erakusketaren (eta Ixone Sadabak Alongedian paratu duenaren) berri idatzi honetan hemen genuen:

  Lemoizko zentrala erabilera publikoko ondare-parke bihurtzeko proiektuari buruzko erakusketa aurkeztu du Carmen Abadek | Eguzki Talde Ekologista

  Hona hemen, berriz, Eguzkik gai honen inguruan orain dela gutxi plazaratu duen artikulu bat:

  Lemoiz: “Jaurti ahanztura etorkizunera” (*) | Eguzki Talde Ekologista

  
  

  Partekatu - Compartelo