Albistea

• Lemoizko zentralaren etorkizunari buruzko mahaingurua

  2025-04-11
  Partekatu - Compartelo

  
  

  

  Ezker-eskuin, Zulaika, Calatayud eta Abad. ARGAZKIA: TXEMA GARCIA

  Carmen Abad Ibáñez de Mataucok “Lemoizko zentral nuklearra eta eragindako lurrak erabilera publikoko espazio bihurtzea” proiektuari buruz paratu duen erakusketaren baitan, mahaingurua izan zen atzo Bizkaiko Arkitekto Elkargoan. Bertan parte hartu zuten Abadek berak, Joseba Zulaika antropologoak eta Daniel Calatayud arkitektoak.

  

  Aretoa beteta, Lemoizko zentralaren etorkizunak herritarren artean sortzen duen kezkaren isla. ARGAZKIA: TXEMA GARCIA

  Zulaikak nabarmendu zuen Jorge Oteizaren munduak Abaden proiektuan izan duen eragina. Daniel Calatayud, berriz, aditua da jasangarritasunean, eta irakaslea El Valleseko Arkitektura Goi Eskolan. Eguzkitik hornitzen diren kontsumo nuluko eta deskonektatutako eraikinak eta energia-berrikuntza eraginkorra izan zituen hizpide. Carmen Abadek, azkenik, bere proiektuaren bertuteak nabarmendu zituen, “eraitsiz eraikitzeko, eta zentralaren hondarra herritar guztion sinbolo eta ondare bihurtzeko”

  ADI: erakusketa hasieran apirilaren 16ra arte zen, baina 30era arte luzatu dute:

  EXPOSICIÓN “Conversión de la central nuclear de LEMOIZ y los terrenos afectados en un espacio de uso público“ – Coavnbiz

  Hona hemen erakusketaren inaugurazioa zela eta, argitaratu genuen oharra:

  Carmen Abad expone su proyecto para convertir la central de Lemoiz en un parque patrimonial de uso público | Eguzki Talde Ekologista

  Ixone Sadabak Lemoizko zentralari buruz Alondegian paratu duen erakusketak ere zabalik jarraitzen du, kasu horretan apirilaren 27ra arte:

  Ixone Sádaba. “Escala 1:1” – Azkuna Zentroa

  Sadabaren erakusketaren aitzakian, Lemoizko zentralaren etorkizunari buruz duen iritzia plazaratu zuen Eguzkik:

  Lemoiz: “Echar el olvido al futuro” (*) | Eguzki Talde Ekologista

  
  

  Partekatu - Compartelo