Albistea

• Marrak jarri dituzte Agirre Lehendakaria zubiko kristaletan txoriek horien kontra talka ez egiteko

  2021-08-08
  Partekatu - Compartelo

  
  

  

  Badirudi marrak eraginkorragoak direla jarri ohi diren harraparien ziluetak baino.

  Donostiako Udalaren aginduz, marra bertikalekin seinaleztatu dituzte Agirre Lehendakaria zubiko kristalak, hegaztiek haien kontra talka egin ez dezaten.

  Neurria ongi etorria izan bedi, nahiz eta, egia esan, nahiago genukeen lehenago hartu izan balute.

  Gogoratu 2019ko abenduan martin arrantzale baten heriotza deitoratu behar izan genuela, txoriak kristal horien kontra talka egin ondoren.

  

  

  2019ko abenduan zubiko kristalen kontra talka egin zuen martin arrantzalea. Argazkiak Martxel Etxebesteren kortesiari zor dizkiogu.

  Aprobetxatu nahi dugu gogoratzeko Agirre Lehendakaria zubikoak ez direla hegaztientzako arazo diren kristal bakarrak, horra hor, adibidez, Amara Berriko Arcco merkataritza-zentrokoak edota Loiolako Erriberetako Gizarte Gizarte Segurantzaren eraikinekoak.

  Hona hemen nola Irutxuloko Hitzak eta DVk eman duten Lehendakari Agirre zubikoaren berri:

  https://irutxulo.hitza.eus/2021/08/05/hegaztiak-disuasio-elementuak/

  https://www.diariovasco.com/san-sebastian/aves-chocar-puente-lehendakari-agirre-20210805184709-nt.html

  

  Pegatinak jartzen. Ea marra hauek beste kristalera batzuetara iristen diren.

  
  

  Partekatu - Compartelo