Gipuzkoako Foru Aldundiak entzungor egin dio Juan Thalamas Labandibar kalean (Artia eta Behobia artean) abiadura 30 km/h-ra murrizteko Irungo Udalaren osoko bilkuraren erabakiari, eta 50 km/h-ra aldatu du, nahiz eta egunero 25.000 ibilgailu baino gehiago igarotzen diren tarte horretatik, horietako asko ibilgailu astunak eta horietako batzuk salgai arriskutsuak dituztenak, eta dagoeneko istripuak izan diren, batzuk zaurituak eta hildakoak izan dituztenak.
Baina osoko bilkuraren erabaki hori gutxiesteaz gain, entzungor egin die zenbait gizarte-eragileri, zeinak bat egin baitute Legea, 2030 Agendan jasotakoa, Garapen Jasangarrirako Helburuetan (GJH) ezarritakoa eta Nazio Batuen Erakundearen gomendioak (gure inguruko herri askotan dagoeneko aplikatzen ari dena) zorrotz betetzeko helburua duen neurri horren aplikazioarekin.
Aldundiak ahaleginak egin behar ditu eta konplize izan behar du administrazioen arteko lankidetza- eta elkar ulertze-giroa sortzeko, are gehiago kasu honetan, adostasun politikoa eta gizarte-eragileena aho batekoa baita.
Eguzki talde ekologistatik tamalgarria iruditzen zaigu erakunde publiko honek akordio hau alde bakarretik hartu izana, aho batez hartutako eta aipatutako gizarte-eragileek abalatutako osoko bilkuraren erabakia alde batera utzita, eta eskatzen diogu lehenbailehen jarrera aldatzeko eta mugikortasun seguru eta jasangarriaren aldeko apustu sendoa egiteko, airearen kutsadura eta kutsadura akustikoa murriztearen aldekoa, eskatutako 30 km/h-ko seinaleak instalatuz.
