Albistea

• Donostiako Udalak Okendotegin esku hartu gabe jarraitzen duenez, paraje hori zabortegi bihurtzetik gero eta hurbilago dago

  2023-09-29
  Partekatu - Compartelo

  
  

  

  Honako hau eta testu bukaeran azaltzen direnak Okendotegin dauden haimaika hondakin-depositoetako batzuk baino ez dira. Testuan tertatutako bideoetan, batez ere bigarrenean, askoz gehiago ikus daitezke.

  Donostiako Udalak Martuteneko Okendotegi bidean legez kanpoko hondakin-depositoen aurkako neurririk hartu gabe jarraitzen duenez, paraje hori bene-benetako zabortegi bihurtuko da berandu baino lehen. Ikus bideoak:

  https://www.youtube.com/watch?v=YOjiwoj0G64

  Donostia legez kanpoko hondakinak 1 – YouTube

  Joan den maiatzean, auzoan aspalditik dagoen kezkaren haritik, Eguzkik Udalari neurriak hartzeko eskatu zion, egoera islatzen duten hainbat argazki erantsita. Udalak, berriz, paraje hartako mantenu-lanak Aldundiari zegozkiola erantzun zigun. Gauzak horrela, Aldundiari egin genion Udalari eginiko eskaera bera. Aldundiak, ordea, honako hau erantzun zigun: “Udalean adierazi diotenaren aurka, Udalak berak bere gain hartu du eremu hori garbitzea”. Horren froga edo, Aldundiaren erantzunarekin batera zenbait dokumentu jaso genuen.

  Geroztik Udalak txintik ere esan ez duenez, ondorioztau dugu Okendotegiko hondakinen ardura berea dela. Nolanahi ere, ekainean esan genuen bezala, gu ez gara hasiko arrazoia Udalak edo Aldundiak duen ebazten, baina ez zaigu normala iruditzen elkarri pilota pasatzen ibiltzea (Elkarri pilota ez pasatzeko eta Okendotegiko hondakinak kentzeko eskatu die Eguzkik Donostiako Udalari eta Aldundiari – Eguzki Talde Ekologista). Eguzkikooi eta seguruena herritarroi, oro har, gutxi axola zaigu arazoa Udalak edo Aldundiak konpontzen duen, betiere konpontzen bada, noski.

  Dena dela, maiatzaz geroztik inork ez du Okendotegin esku hartu. Beraz, espero zitekeen bezala, legez kanpoko hondakinek pilatzen jarraitu dute. Horren lekuko dira testu honekin batera bidaltzen ditugun irudiak. Alegia, lau hilabete geroago, Okendotegik legez kanpoko zabortegi bihurtzeko bidean jarraitzen du.

  EGUZKI, 2023ko iraila

  

  
  

  Partekatu - Compartelo