Albistea

• Apirilak 26, Txernobylgo istripu nuklear larriaren 30. urteurrena.

  2016-04-25
  Partekatu - Compartelo

  
  

  

  Bihar da, apirilak 26, Txernobylgo istripu nuklear larriaren 30. urteurrena. Joan den hilabetean aldiz, Fukushimaren 5. urteurrena bete zen. 200.000 pertsonatik gora hil dira istripu hauen ondorioz, eta beste hainbestek gaixotasun larriak garatu dituzte, malformazioak, desplazamenduak…eta 680.000 milioi eurotako galera, momentura arte.

  Energia nuklearraren inposaketak arrisku larria dakar bai osasunerako baita ingurumenerako ere, onartzeko prest ez gauden arriskua, eta horrexegatik, Garoñaren Kontrako Foroak mozio bat aurkeztuko du bihar Bilboko Udaletxean, bi helbururekin:

  1) Hondamendi hauetako biktimen oraitzapenean 5 minututako isiltasuna egitea: 425 zentral nuklear daude oraindik ere martxan mundu osoan, beraz edozein momentutan errepikatu daiteke istripua berriro ere.

  2) Udaletxeak manfiestu bat sinatu dezala, enegia mota hau baztertzeko bere eskuetan dagoen guztia egiteko konpromezua hartuz: Garoña, Chernóbil eta Fukushimara dagoen distantziaren kartel oroigarriak jarriz, energia nuklearraren erabilerak dituen arriskuen eta dauden alternatiben berri ematea herritarrei, adibidez.

  Garoñaren Kontrako Bizkaiko Foroa

  
  

  Partekatu - Compartelo