Gertakariaren unean, ornitologiara zaletua den pertsona bat okilari begira zegoen.
Lanius Ornitogia Elkarteak eta Eguzkik, Euskal Herriko Talde Ekologista eta Antinuklearrak, Zaratamoko Miordiu auzoan gertatu den okil beltz (Dryocopus martius) baten tiroketa eta heriotza salatu dute, ingurumeneko ertzaintzaren aurrean lehenik eta Bizkaiko fiskaltzaren aurrean ondoren.
Tiroketa maiatzaren 13ko eguerdian gertatu zen, kumeei jaten ematen ari zen okil beltz baten kabi ingurura ibilgailu bat iritsi zenean. Beratatik zenbait pertsona irten ziren eta airezko eskupetaz hegaztiari tiroka hasi ziren akabatu arte, naiz eta gorpuzkina etzen aurkitu, kabiko kumeak ere galdutzat ematen direlarik.
Gertakarien hain ezagutza zehatza edukitzearen arrazoia, gertatutakoa okila jarraitzen ari zen ornitologo batek ikusi zuelako da, zeinak eraso egileei beraien jarrera aurpegiratu zien baita base gorrira deitu ere, basozainek egileak, inguruan dagoen UPO aisialdi gunean topatu eta identifikatu zituztelarik.
Datu hauek kontuan hartuta, gertakaria benetan larria dela uste dugu, egileak hegaztia botatzeko gogo betez joan zirela adierazten baitu, ehizalditik kanpo, nahasmenerako edo ezuste bat izateko aukerarik gabe, aldi berean basa fauna babestuarekiko gorroto edo/eta gaitzespen larria adierazten dutelarik.
Izan ere basa fauna babestuaz ari garenean, okil beltza Babes Bereziko Egoeran Dauden Basa Espezieen Zerrenda, hala nola, Espezie Mehatxatuen Espainiako Katalogoan agertzen dela adierazi nahi dugu. Beraz, tiro jotzaileak landare, fauna eta etxeko animalien babesaren aurkako lege hauste bat egin dutela ondorioztatzen dugu, basa faunako espezieak babesten dituzten izaera orokorreko lege eta xedapenak urratu dutelakoan, zeinak espezie babestuak ehizatzen eta ugalketa oztopatzen duten jarduerak aurrera eramaten dituztenak zigortzen baititu.
Bukatzeko, espezie babestuetako hegaztiak tirokatzea, nahiko ohikoa da zoritxarrez. Iaz, Eusko Jaurlaritzak tiroz botatako 36 hegazti zenbatu zituen, gabirai, lertxun, mirotz, belatz, zapelatz eta abarren artean.
Informazio gehiago: http://eguzki.org/es/2017/05/01/legez-babestutako-36-hegazti-tiroz-bota-zituzten-iaz-eaen/
Eguzki Talde Ekologista eta Antinuklearra, 2017ko maiatzaren 20an.
