Albistea

• Oreretako Lousada kalean moztutako bidegorrirako alternatiba lehenbailehen behar dugu

  2018-03-02
  Partekatu - Compartelo

  
  

  Lousada kalean etxebizitzen eraikin bat egiteko hasi diren lanek etenda utzi dute zati batean kale horretatik doan bidegorria, argazkian ikus daitekeen bezala. Lizentziaren xehetasunak ezagutu gabe, uste dugu Oinezkoen eta Txirrindularien Mugikortasun Planaren arabera Sare Nagusia den bidegorriaren zati honen okupazioak luze joko duela eta ez genuke ulertuko zati horretan azpiegitura honen erabilera bermatzeko neurririk ez hartzea. Norbaitek imajinatzen al du errepide nagusi batean trafikoa hainbeste denbora etenda egotea inolako alternatibarik eman gabe?

  Eguzkitik Udalari eskatzen diogu lehenbailehen proposa dezala alternatiba bat eta martxan jar ditzala ibilbidearen jarraipena eta erabiltzaileen segurtasuna bermatuko dituzten neurriak, eta oraindik horrelakorik aurreikusi ez badu, horiek zehaztu eta ahalik eta lasterren abian jar ditzala.

  EGUZKI

  
  

  Partekatu - Compartelo