zuhaitzak
-
Eguzkik salatu du hamabost bat zuhaitz kendu dituztela Donostiako Garcia Lorca pasealekuan
2018-03-25Joan zen asteburuan hamabost bat zuhaitz kendu zituzten Garcia Lorca pasealekuaren hasieran, Maria Kristina zubiaren ondoan. Ez dakigu zergatik kendu zituzten, ezta arrazorik zegoen ere, baina Udalak ederki aukeratu zuen eguna, Planetaren Ordua ospatzen zen berbera. Punteria ederra. Kendutako zuhaitzak lehenbailehen ezartzeko eskatzen diogu Udalari.
-
Emana dio Gipuzkoak erantzuna klima-aldaketari
2018-03-15Ingurumen-ahaldun Asensio jaunari entzun berri diogu Aldundiak Klima Aldaketaren Institutu bat sortzeko asmoa duela, Gipuzkoaren etorkizuna hobetzeko grinak bultzatuta noski. Institutu hori Europa mailan punta-puntakoa izateaz gain, ekonomia berde batera eraman eta gure etorkizuna itxaropenaren kolorez tindatuko omen du. Harrapa ezazue!!
Ez dugu gaizki pentsatuak izan nahi, halabeharra izan liteke, baina Asensio jaunak bere asmakizuna aldarrikatu duen bitartean gure mendiak urtaroen eraginik gabe kolorez aldatzen ari dira, pinuaren iluntasun ia beltzetik eukalipto australiarraren urdin argira.
-
Lizentziarik gabeko zuhaitz-mozketa Oreretako Ertzain-etxe ondoan
2018-03-09Ikusi dugu Ertzain-etxea eta Fanderiako bidegorria banatzen dituen zerrendan zehar, tamaina handiko sei makal beltz (Populus nigra) moztu direla. Ingurumenean eragiten duten jarduerek kezkatzen gaituztelako, Udaletxean galdetu dugu, eta baieztatu digute zuhaitz horiek mozteko udal lizentzia behar dela eta ez dela horrelakorik tramitatu. Geure buruari galdetzen diogu ea hori ote den herritarrari transmititzen dioten eredua administrazio publikoarekiko dituen betebeharrei dagokienez.
-
Eguzkiren iritziz, Donostiako Udalak ezin du Mentxu Gal lorategia kafetegi baten beharretara sakrifikatu, ezta haren hobekuntza kafetegi horren arabera baldintzatu ere
2018-03-05Eguzkiren iritziz, Donostiako Udalak gaur egun Mentxu Gal lorategian indarrean dagoen arau urbanistikoak aldatzeko Plan Berezi bat sustatuko balu, orain arte bertan kabitu ez den kafetegia kabitzeko, Amarako berdegune hori jarduera hostelero pribatu baten beharretara sakrifikatzen ariko litzateke. Alferrik saiatuko litzateke, gero, jokabide hori interes publikoen ikuspegitik defendatzen.
-
Donostian zuhaitz gehiago bota dituztela salatu du Eguzkik
2017-12-15Donostian zuhaitzak hilero botatzen dituzte, huts egin gabe. Abenduan bi lekutan, behintzat, bota dituzte, Pio Barojan eta Zarauzko hiribidean, oraingoan beharrezkoa ez den, garestia den eta herritarrek eskatu ez duten Metroaren mesedean.
-
Donostiako kaleetan falta diren zuhaitzak sartzeko ordua da
2017-11-17Donostiako Eguzkik joan den apirilean egin zuen zenbatze baten arabera, Groseko eta Erdialdeko kaleetan 100 txorko edo zuhaitz-zulotan zuhaitzak falta dira. Datu hori estrapolatuta, Donostiako kaleetan 1.000 zuhaitz inguru, behintzat, falta dira. Faltak ugaritu egin dira, gainera, azken hilabeteotan. Gauzak horrela, eta batez era zuhaitzak sartzeko urtaro aproposean sartzen ari garela kontuan izanik, Eguzkik falta diren zuhaitzak ordezkatzeko unea iritsi dela errebindikatu du.