Mendiak, ibaiak, hondartzak eta gure ondarea desjabetu nahi dituzte.
Gure iragana da, gure oraina eta baita gure etorkizuna ere.
Horregatik erabaki dugu deialdi honetan bat egitea abusu horri aurre egiteko.
Bizkaia hobe baten alde borrokatzeko.
Haien makroproiektuetarako dena ez dela onargarria erakusteko.
Enpresa pribatuaren eta kapital handien mesedetan espoliazioa baimentzen duten botere publikoen aurrean lurra defendatzeko.
Bizkaia ez dago salgai, eta ez dugu onartuko gure herriak puskaka hondatzea, ezta bizi dugun lurraldea txikitzea ere.

Bidasoako mendietan Zelena inbertsio funtsak egin nahi duen “Azkua” izeneko makroproiektu eolikoaren aurka dihardurten herrietako plataformek online sinadura edo atxikimendu bilketa abian jarri dute. Azpian doan estekaren bidez sinatzeko eta informazio hau zabaltzeko eskatzen dute…

Azpeitin egin genuen manifestazio nazionala hasiera besterik ez zen izan. Maiatzaren 26an Kolitzara mendi martxa bat antolatu dugu Enkarterrin eraiki nahi dituzten makroproiektu eolikoen aurkakotasuna adierazteko. Animatu parte hartzera! Lurraren defentsan, Euskal Herria Bizirik!
Berriztagarriak BAI, baina HORRELA EZ!

Euskal Herriko hainbat sektore eta lurraldetako 75 pertsonak “Egungo megaproiektu berriztagarrien hedapenaren aurka eta bizitzaren defentsan” manifestua sinatu dute. Gure une historikoa definitzen duen krisi ekologiko eta sozial larriaren aurrean, manifestu honek kezka adierazi nahi du Europar Batasunetik inposatzen ari zaigun egungo trantsizio-agendaren aurrean, Euskal Herriko erakunde, alderdi politiko eta enpresa-korporazioek akritikoki errepikatzen dutena.

Vitoria Solar 1 eta 2 parke fotovoltaikoen proiektuei aurreneko administrazio-baimenak eman dizkio Jaurlaritzaren Industria sailak. Proiektu horien bitartez, 90.048 eta 90.074 eguzki-panel ezarri nahi dituzte Gasteizen, Burgelun eta Arratzua-Ubarrundian. Guztira, 49,9 eta 49,99 megawatteko potentzia. Kontua da panel horiek guztiak nekazaritza-lursail emankorretan ezarri nahi dituztela. Eta hori, gaur egun Jaurlaritzaren beraren ekimenez izapidetzen ari den Energia Berriztagarrien Plan Sektoriala onartuta balego, legez kanpokoa litzateke. Hau da, Jaurlaritzak Solar 1 eta 2 bezalako kasuetan jokatzeko modu bat proposatzen du, baina, bitartean, guztiz kontrakoa egiten du.

Lortu dugu! 2002an bezala, oraingoan ere lortu dugu Karakateko zentral eolikoaren proiektua geratzea. Green capital enpresak bertan behera utzi du Akillar eta Otsoaldasoro inguruetan aerogeneradore erraldoi bana jartzeko zuen asmoa. Hala, proiektu horrek suposatuko lukeen suntsipenetik babestuta geratuko da,momentuz behintzat, Karakate. Guk zalantzarlk ez dugu herri bezala eman dugun erantzuna funtsezkoa izan dela enpresak erabaki hori hartzeko orduan.

Enkarterrin Makroeolkorik Ez plataformak herri-alegazioak argitaratu ditu Alen Mello kordalean proiektatutako zentral eolikoaren aurka «Artzentales-Sopuerta Parke Eolikoa eta bere ebakuazio-azpiegitura» proiektuaren Aurretiko Administrazio Baimenaren eta Ingurumen Inpaktuaren Adierazpenaren eskaerak jendaurrean jartzeko epeari hasiera eman zitzaion urriaren 30ean, Artzentalesko udalerrian (Sopuerta), Galdames, Muskiz, Zalla eta Gueñes. Hurrengo egunetik aurrera, 30 egun balioduneko epea irekiko da alegazioak aurkezteko, eta abenduaren 13an amaituko da.

Kuadrilla polita bildu gara bart Donostiako Koldo Mitxelena kulturunean Roge Blascok Lemoizi buruz egin dituen film dokumental laburrak ikusteko. Albiste honetan, bart arratseko grabazioa oso-osorik, filmak barne. Gogoan izan bihar 12etan Gladysdel Estal omenduko dugula Gladys Enean.

Larunbatean Gladysi eskainiko diogun omenaldiaren osagarri, LEMOIZ GAUR izeneko jardunaldia antolatu dugu bihar ostegunean, ekainak 1, Koldo Mitxelenan, 19:00etan. Bertan, Roge Blasco kazetariak bi film dokumental labur (bakoitza 15 minutu ingurukoa) eskainiko ditu.

Eguzkik eskatzen du interes-gatazka horren aurrean EEEko Zuzendaritzako kontseilariak Petronor edo Iberdrola bezalako enpresetatik kanpo egon daitezela, eta erakunde publiko horretako Zuzendaritzak erantzun ditzala energia primarioa aurrezteko egiten dituen jarduketak, euskal administrazio publikoak bere instalazioetan energia-kontsumoa 10 urtetan (2016-2026) % 25 murrizteko hartutako konpromiso eredugarria lortzea, eta berotegi-efektuko gasen urteko 3 Mt murriztea.

“Gasbidea Aralartik ez” lemapean, larunbatean, hilak 25, manifestazioa egingo da Lekunberrin, Aralar Zaindu Dezagun! plataformak deituta. Plazatik abiatuko da, 18:00etan. Helburua da Aralarko Natur Parkean barrena egin nahi duten gasbidea salatzea eta informazio- eta parte hartze-prozesu gardenagoa eskatzea, proiektuak ingurumenean, gizartean eta ekonomian izan ditzakeen eragin negatiboak arintzeko. Hau da, gasbide-proiektua bertan behera uztea ere ez dute eskatzen, baizik eta Plazaolako trenbide zaharretik barrena egiteko aukera hobeto aztertzea. Izan ere, aukera hori baztertu zen, plataformaren iritziz, behar bezala aztertu gabe.

Makropoligono eolikoen eta fotovoltaikoen hedapenak eta goi-tentsioko proiektu berriek aurrera jarraitzen dute Nafarroan. Eta hori enpresa elektriko handien eskutik gertatzen ari da, beren interes espekulatiboen erritmora, eta Nafarroako Gobernuaren laguntzarekin. Horrela, Bortzirietan eta Malerrekan biodibertsitatea suntsitzen duten makropoligono eolikoak jartzeko enpresa berrien asmoa ezagutu ahal izan dugu.

Eusko Jaurlaritzak iragarri duenez, iazko abuztuan martxan jarri zuen Kontingentzia Energetikoaren Planari esker, energia-kontsumoa % 20 murriztera ere iritsi da, hau da, Europak gomendatutako % 15 baino gehiago. Eta, jakina, Arantxa Tapiak eta Iñigo Urkulluk berak lorpena berehala errebindikatu dute. Ez gara orain hasiko emandako datuaren inguruan eztabaidatzen edo ñabardurak egiten, baina barkatu honako galdera inuxente hau plazaratzen badugu: abuztutik energiaren % 20 aurreztu ahal izan badugu, ulertu behar al dugu kontingentzia-planik gabeko urte hauetan guztietan energiaren % 20 xahutu dugula?

Si quieres saber las respuestas, Eguzki junto a Sukar Horia realizaremos una charla informativa sobre la desmesurada subida del precio de la luz, sobre como funciona el mercado eléctrico y sobre quienes son los culpables de esta situación de colapso energético y saqueo a nuestros bolsillos, el 23 de Enero dentro del programa festivo de fiestas de Sanbi.

EGUZKI talde ekologista gisa, Urkullu lehendakariaren urte amaierako diskurtsoaren balorazioa egin nahi dugu, gehien dagokigun gaiari dagokionez.
Urkulluren ustez, bere bigarren erronka klimatikoa izango litzateke, honako hau adieraziz: “planetak ezin du gehiago itxaron, ez dugu besterik. Beharrezkoa da klima-aldaketaren aurrean anbizio eta konpromiso handiagoa izatea. Hori frogatzeko, energia-eraginkortasunaren, energia-iturri berrien edo ekonomia zirkularraren aldeko apustua egin dezakegu. ”
Ikus daitekeenez, bi lerroko aipamen bat gure bizitza, egungo eta etorkizuneko belaunaldia, baldintzatzen duen planeta-egoera baterako, berehalako neurriak eskatzen dituena, edozein erakunde eta gobernatzaileren gaitasunaren arabera.