Energiak
-
Uliako itsas hondotik “sare fantasma” zati bat atera dute gaur, operazio konplexu bati esker
2021-07-27Uliako itsas hondotik sare fantasma zati bat atera dute gaur goizean, Donosti Buceo, Eguzki, Guardia Zibilaren Itsas Zerbitzu, AZTI eta Gurutze Gorriaren parte hartzea eskatu duen operazio konplexu samar baten bitartez. Zehatz-mehatz, Mendebaldeko Bantxa aldean izan da, Pasaiko portuko bokanatik atera eta ezkerrera. Sarearen zati bat baino ezin izan dute atera, gainerakoa arroketan oso-oso lotuta baitago. Dena dela, Buceo Donostiko kideak berriro saiatuko direla esan dute. Balorazio orokorra ona izan da, batez ere operazioa ahalbidetu duen elkarlan mota hau ez delako batere ohikoa. Sarea noizbait galdu edo abandonatuta geratu zen, eta, denboraren poderioz, urpeko arroketan finkatu da, 25-30 metroko sakoneran. Han, txangurro, misera itsas aingira eta beste hainbat espezierentzako tranpa izaten jarraitzen du.
-
Bai birzikletzeari, ez itxurak egiteari eta herritarroi adarra jotzeari: beraiek kontzientziatu daitezela!
2021-07-26Azkenaldion birziklatzearen aldeko kanpainak ugaltzen ari dira Donostian, erakunde ofizialek eta paraofizialek bultzatuta. Kanpaina hauek guztiak herritarrok “kontizientziatzea” omen dute helburu, gehiago birziklatu dezagun. Baina Donostian inor kontzientziatu behar bada, Eneko Goia buru duen udal gobernu bera da. Gainerako guztia itxurakeria da, egingo balitz bezala egitea, baina benetan egin gabe. Gaur egun greenwashing deitzen den hori. Ikus dezagun… San Marko Mankomunitateak argitaratu berri ditu 2020ko datuak, berez mintzo direnak: Donostia azken putz da, eta Gipuzkoako batez bestekoaren 15 puntu azpitik dago.
-
Erreindibikazioek traba egiten dute, isurketek ez?
2021-07-13Mijoako errekan isuriak ia etengabeak dira. Batzuetan, inguruko enpresek sortzen dituzte zigorrik gabe, eta beste batzuetan, berriz, saneamendu akastun batek sortzen ditu, eta araztegiak ez du behar besteko gaitasunik biltzen dituen hondakin guztiak tratatzeko. Azkenean, errekan amaitzen dute hondakin horiek.
-
Garaia da erabilera bakarreko plastikozko produktuekin amaitzeko
2021-07-12Itsasoak kutsatzen dituzten hondakin guztien %43 erabilera bakarreko produktuak dira.
Erabilera bakarreko plastikozko produktuak dira mahai-tresnak eta platerak, lastotxoak, kotoi zotzak, edari irabiagailuak, puxika-makilatxoak, janari edo edarientzako poliestireno hedatuko ontziak eta dosi bakarreko eta birziklagarriak ez diren kapsulak.
-
Mutrikuko Mijoako erreka saneamendu-sare eraginkor batekin babestuko dugu
2021-06-23Mijoako errekastoaren saneamendua duela hamar urte baino gehiago amaituta egon behar zenean, isurketek zigorgabetasun osoz jarraitzen dute. Ikusten da Eusko Jaurlaritzak beste lehentasun batzuk dituela. Are okerragoa dena, enpresak handitu nahi dira, egungo araztegia egungo isurketetarako nahikoa ez dela jakinda. Noiz arte?
EGUZKItik salatzen jarraitzen dugu eta Mijoako erreka defendatzen jarraituko dugu bere osotasunean errespetatu arte. Nahikoa da! -
Aginagako saneamendua egiten hasiko dira… hamar urte beranduago!
2021-06-17Añarbeko Urak-ek eta URA Agentziak egunotan jakinarazi dutenez, 5,4 milioi euro inbertituko dituzte Aginagako eta Txokoaldeko saneamenduan. Inbertsio horrek ahalbidetuko du bi herri-gune horietako ur zikinak Loiolako araztegira eramatea. Gaur egun ur zikin horiek zuzen-zuzenean Oriara botatzen dira, Natura 2000 Sareko Babes Bereziko Eremu batean, gainera. “Pozik egongo zarete, ezta?”. Jakina, albiste bikaina da eta. Baina ez dugu horregatik txalo joko, behingoz hastear dauden lan horiek hamarkada luzeko atzerapenaz datozelako.
-
Eguzkik helegite bat aurkeztu du Oreretako plan akustikoen onarpenaren aurka
2021-06-03Eguzki talde ekologistak errekurtso bat aurkeztu du 2021eko apirilaren 20an onartutako Babes Akustiko Bereziko Plan Zonalen hasierako onarpenaren aurka. Penatzen gaitu aurkeztu ditugun proposamenekiko Udalak erakutsi duen harmen falta, aurkeztu diren gainerakoak bezala, osorik ezetsi baititu.
-
Erraustegiko isuri batek Arkaitzaerreka erre zueneko urteurrenean, ezer gutxi aurreratu dela salatu du Zubietatik eta Usurbildik abiatutako martxa batek
2021-05-09Iazko maiatzean Zubietako erraustegiko amoniako isuri batek zeharo erre zuen Arkaitzerreka, eta bertako fauna guztia akabatu. Urtebete geroago, Zubietatik eta Usurbildik ateratako zutabeek bat egin dute gaur eguerdian Arkaitzerrekan bertan. Urtebete geroago erreka leheneratzeko eta erantzuleak zigortzeko aurrerapauso apartekorik egin ez dela salatzea izan da helburu. Hemen duzu bukaeran irakurri den testua oso-osorik. Merezi du.
-
Martxa Arkaitzerrekara, erraustegiko isuri batek zeharo erre zueneko urteurrenean
2021-05-03Maiatzaren 9an urtea beteko da Zubietako erraustegitik egindako isurketa kutsakor batek Arkaitzerrekan ehunka arrain hil zituela, horien artean aingira ugari. Babestutako espeziea da aingira. Urteurrena dela eta, Anerreka Ingurumen Elkartak iganderako martxa bikoitza antolatu du, 11etan Usurbildik eta Zubietatik abiatuko dena.
-
Eguzkik Urola ibaira zabor-isurketak salatu eta Azkoitiko Udalari saretak jartzeko eskatzen dio
2021-04-28Argazkian Urola ibai ertzeko 300 metro eskaseko zati batetik atera ditugun zaborrak. Kasu honetan, printzipioz, ez dira nahita isuri; gure gizartean oraindik hain errotuta dagoen ideia horretatik datoz: kaleak zikin egon daitezkeela edo zikindu daitezkeela pentsatzetik, kale-garbitzaileak edukitzeagatik. Azkoitia, zoritxarrez, ez da salbuespena. Saretek ez dute arazo osoa konponduko, baina bai zati bat.
-
Arbaizenea garbitzeko eta haren balio historiko eta ingurumenekoak zaintzeko eskatu du Eguzkik
2021-04-27Arbaizeneako basoa garbitzeko eskatu dio Eguzkik Donostiako Udalari; izan ere, bertan eratutako kanpaleku bat hustu ondoren, ingurua hondakinez beteta geratu da (plastikoak, zabor-poltsak, arropa, koltxoiak, etab.). Horietako batzuek Morlanseko erreka estaltzen dute partzialki. Erreka horren gainean egin zuen Donostiak bere lehen ur-ekarria 1609an, eta oraindik ere geratzen dira bertan balio historikoa duten aztarnak; esaterako, bere baitan iturri bat duen etxola bat. Etxola honen goiko plaka hautsi egin da eta hura konpontzea premiazkoa dela iruditzen zaigu.
-
KUTSATZEA IA DOAN DA BARAKALDON
2021-04-26Eguzkik, Errekatxo auzoan, egunkarian obra-hondakinak isurtzeagatik ezarritako isuna argitaratu denez, Ingurumenaren eta Ekintza Ekonomikoaren arloari eskatzen dio isun hori zuzentzeko..
Eguzki, ante la publicación de la multa impuesta por el vertido de escombros en El Regato, exige tanto al área de Medio Ambiente como de Acción Económica, que rectifique en dicha multa… -
Lurpeko zaborrontziak ezabatzearen aldeko aukera nagusitu da Lasarte-Oriako herri-galdeketan
2021-04-25Lurpeko zaborrontziei buruz gaur Lasarte-Orian egin den galdeketan erraz nagusitu da ezabatzearen aldeko aukera. Parte hartzea, espero zitekeen bezala, txikia izan da. Aire Garbiaren iritziz, garrantzitsuena zera da: udal gobernuak aitzakia bat gutxiago du Lasarte-Oriak hondakinen alorrean duen BENE-BENETAKO ARAZOARI behingoz heltzeko. Eta arazo hori da Lasarte-Oriak, Donostiarekin eta beste zenbait herrirekin batera, Gipuzkoako birziklatzearen trenaren atze-atzeko bagoian jarraitzen duela.
-
Martzillako alkate Mario Fabori
2021-04-21Marcillako alkate-udalburua, Mario Fabo Calero (Navarra+), Caparrosoko HTN Biogás – Vaqueria de Odietako jarduera kutsatzaileekin zerikusia duten eskandalu berrien aurrean agertu da. Ohar batean, Natura 2000 Sareko “Aragoi eta Arga ibaietako behe tarteak” kontserbazio Bereziko Eremuetan (KBE) enpresaren isuriak aurkitu zirenetik egin dituen urratsak azaldu ditu.
-
Lasarte-Orian Aire Garbia, lurpeko zabor-ontziei buruzko galdeketaren aurrean
2021-04-19Igandean, hilak 25, lurpeko zabor-edukiontziak mantentzeko edo ezabatzeko herri-galdeketa antolatu du Lasarte-Oriako Udalak. Aire Garbia herri-plataformak argi eta garbi azaltzen duenez, galdeketa honek ez du ez hanka ez bururik. Gauzak horrela, bozka ematea ez da oso motibagarria. Hala ere, merezi du bozka ematea, besterik ez bada ere aitzakia hau erabiltzeari behin betiko utz diezaioten eta Lasarte-Orian alor honetan duen bene-benetako arazoari, birziklatze-tasa eskasari, behingoz hel diezaioten.