Albistea

• Eguzki talde ekologistak Papresako UJPa onartzeko tramitea hasieratik hasteko eskatu dio Lezoko Udalari

  2020-11-09
  Partekatu - Compartelo

  
  

  
  2020ko irailaren 23ko dekretuaren bidez, Lezoko Alkateak behin betiko onartu zuen H.A.E. 25 Papresa Sektorea Urbanizatzeko Jarduketa Programa (UJPa). Hala ere, 2011ko irailera atzera egin behar da dokumentu honen hasierako onarpena aurkitzeko. 9 urte luze hauetan, prozedura geldirik egon da, eta ez da inolako borondaterik egon prozedurarekin jarraitzeko. Esan bezala, 9 urte beranduago, dokumentua behin betiko onartu nahi da, gure iritziz, ez ikusiarena eginez indarreko araudian dokumentu horiek izapidetzeko ezarritako epeak ez betetzeari. Legeak ezartzen duen denbora-programazioa kasu honetan ez dator bat esku hartzen duten eragileek izapidetzean erakutsitako utzikeriarekin. Behin betiko onespenaren bidez UJParen izapideak amaitzeko eta betebeharrak betetzeko Legeak ezartzen dituen 4 hilabete ingurutik 9 URTERA igarotzen da espediente honetan.

  Gure ustez, espedienteak ez duen beste alderdi garrantzitsu bat da dokumentu honi buruzko ingurumen-ebaluazioko azterlana. Jarduera honek ingurune naturalean eta bide publikoan izan ditzakeen eraginak oso kezkagarriak dira. Nahiz eta ez diguten baieztatu zein izango den bere jarduera espezifikoa, ezin dugu ahaztu ez enpresa horren ibilbidea, ezta bere jarduera potentzialki kutsagarria dela ere.

  Izapidetzean izandako atzerapen neurrigabearen eta Legeak ezarritako epeak ez betetzearen ondorioz, ondorioztatu behar dugu lortu nahi den behin betiko onespenak ez duela beharrezko lege-euskarririk, eta, logikoa denez, espedientea berriro hasi behar dela hasieratik. Hori da Eguzki taldeak irailaren 23an Alkatetzaren dekretu bidez emandako behin betiko onarpenaren aurka aurkeztutako errekurtsoaren bidez eskatu duena.

  
  

  Partekatu - Compartelo