Albistea

• Pasaiako portuan jarduten duten enpresek indarrean dagoen ingurumen-legedia urratzen jarraitzen dute

  2022-10-12
  Partekatu - Compartelo

  
  

  

  Pasaiako portuan jarduten duten enpresek –batzuk nahitaezko jarduera-lizentziarik gabe–indarrean dagoen ingurumen-legeria ez betetzeagatik behin eta berriz jarritako salaketen aurrean, Eguzkik berriro eskatu dio Eusko Jaurlaritzako Ingurumen Kalitatearen eta Ekonomia Zirkularraren Zuzendaritzari beharrezko neurriak har ditzala pertsonen osasuna eta ingurumenarekiko eta itsasoarekiko errespetua eta babesa bermatzeko.

  Salaketak askotarikoak izan dira, eta, besteak beste, Badian Bizik (kolektibo plurala, Pasaia, Lezo, Errenteria eta Donostian bizi diren pertsonek eta gizarte-taldeek osatua), norbanakoek, talde politikoek eta Eguzkik egin dituzte.

  Azken horrek zuzendaritza horri eskatzen dio ahalik eta azkarren har ditzala beharrezko neurriak, Pasaiako portuko enpresen jarduera, oro har, eta ontzien zamalanena, bereziki, indarrean dagoen ingurumen-legeria zorrotz betez gara dadin.

  Jarduera legean ezarritako baldintzak bete gabe egin dela egiaztatzen den neurrian, nahitaezko zehapen-espedientea eta pertsonen osasuna kutsatzen eta kaltetzen jarrai ez dezan beharrezkoak diren hertsapen- eta kautela-neurriak hastea.

  
  

  Partekatu - Compartelo