Albistea
-
Errausketarik ez Zubietan ez inon
2023-04-29
Errausketaren aurkako ahotsak argi eta garbi entzun ahal izan dira gaur Lasarte-Oriako Okendo plazatik atera eta Zubietako erraustegiraino bertaraino joan den martxan. Erraustegiaren Aurkako Mugimenduak antolatu du, Donostia Biziriken, Eguzkiren eta Ekologistak Martxanen laguntzarekin. Hona hemen bideo labur bat:Bidean, saihetsezinak izan dira aste honetan erraustegiari buruz argitaratu diren albisteen inguruko elkarrizketak. Izan ere, matxura elektriko bat dela eta, apirilaren 17tik geldirik omen dago (Zubietako erraustegia geldirik dago apirilaren 17tik, sorkuntza sistemaren matxura batengatik | Gizartea | Berria) eta, gainera, Ekopolek jakinarazi duenez, Zubietako erraustegia ez dago sailkatuta balorizazio energetikoko instalazio gisa, eta horrek ingurumen-baimenaren indarraldiari eragin diezaioke (Zubietako erraustegia ez dago sailkatuta balorizazio energetikoko instalazio gisa – Ekopol).
Martxaren bukaeran, deitzaileek nabarmendu dute, erraustegiaren arduradun eta propagandistek erealitatea ukatzen jarraitu duten arren, azken hilabeteotan argitara ateratzen joan direla ezkutatutako egia deseroso batzuk, eta, horren ondorioz, gero eta nabariagoa dela erraustegiak airea, ura eta lurra kutsatzen dituela. Bukatu dute berresten errausketaren aurkako konpromisoa, ez Zubietan, ez Bergaran, ez Urretxu-Zumarragan, ez inon.
Bisita Kontadorea
KANPAINAK
LIBURUAK
