Albistea

• Mutrikuko babes dikearen ingurua txukuntzeko.

  2023-09-21
  Partekatu - Compartelo

  
  

  

  Idatzi hau sinatzen dugun talde eta eragileok, dikearen obrarekin jasaten ari garen egoera salatu eta ondorengoa adierazi nahi dugu:

  1.  Duela 5 hilabete, ustezko arazo teknikoak medio, Eusko Jaurlaritzak obra bi hilabetez gelditzeko erabakia hartu zuela jakin arazi zuen alkateak. Bost hilabete pasatu dira eta ordura arte geldiezinak ziren obrak geldirik jarraitzen du.

  2.  Geldialdi honen inguruan zein arazo teknikoen atzean dauden arrazoien argibide falta nabarmena izanik, ez al du herriak informazio garbia jasotzeko eskubiderik? Zer edo/eta zeinen interesak daude arazo tekniko hauen atzean? Zein da gaur egun obraren benetako egoera?

  3.   Bost hilabete hauetan argi ikusi dugu moila luzatzea ez dela hain ezinbestekoa. Inork ez dio erreklamatu Eusko Jaurlaritzari “obrak lehen bai lehen, berrekiteko” eta honek utzikeria egoera areagotu baino ez du egin.

  4.   Guzti hau dela eta, Eusko Jaurlaritzari gaur egungo moila dagoen lekuan bukatu, txukundu eta inguru erabilgarri eta duin bat garatzeko eskaria luzatzen diogu.

    Mutrikun 2023ko, irailaren 1ean.

  Danborzaleak, Eguzki Talde Ekologista, Ekologistak Martxan, Emakumeak Mutriku Abian, ELA, PSE-EE, Mutrikuko Gazte Asanblada, BERDEAK, Mutriku Natur Taldea, Talaixa Triatloi Taldea, Mutrikuko Bertso Eskola.

   

   

   

   

  
  

  Partekatu - Compartelo