Albistea

• Euskal Herria Burujabe 2023 – Klimaren desafioa altxa dezagun Euskal Herrian!

  2023-10-04
  Partekatu - Compartelo

  
  

  Bizi! mugimenduak antolatuta eta “Klimaren desafioa altxa dezagun Euskal Herrian!” lemapean, Euskal Herria Burujabe 2023 ekimena egingo da Baionan asteburu honetan, urriaren 7an eta 8an.

  Kontzertuak, hitzaldiak, erakusketak, proiekzioak, testigantzak, eztabaidak, jarduera ludikoak… Egia esan, izugarri programa aberatsa da, zorabiatzeko modukoa. Guk aletu ordez, honako esteka honetan aurkituko duzue oso-osorik, gainerako informazio interesgarriekin batera:

  Euskal Herria Burujabe 2023 – Klimaren desafioa altxa dezagun Euskal Herrian! – Bizi ! (bizimugi.eu)

  “Laborantza, etxebizitza, garraioak, energia, elkartasunak, ekonomia, politikak… 7 eremu tematikok gure esku diren ekintza-bideak erakutsiko dituzte gure lurraldearen eskalan etorkizun jasangarriagoa, bidezkoagoa, solidarioagoa eta burujabeagoa eraikitzeko”, diote antolatzaileek.

  Benetan ekimen handia da, 500 boluntario baino gehiagoren parte hartzea eskatuko duena. Baionako erdigunean autoz ibiltzea ere debekatuko da, jendeak ekimenean erosoago parte hartu ahal izateko.

  
  

  Partekatu - Compartelo