Yeguacerosko kuartela eraitsi egin dute. Orain, parajea leheneratu eta horren jabe den Izabako Udalari bueltatuko diote. Ondo dago ingurune paregabe hura leheneratzea eta ondo dago ere Udalari garai batean defentsa nazionalaren izenean kendu zioten eremua bueltatzea. Baina albistea lerrootara ekarri dugu  Yeguaderosko kuartela Euskal Herriko ekologismoaren historiaen parte ere badelako.

Badator Zabaldiko Elkartasunaren Hamabostaldia, eta datorren panorama ekosoziala ikusita, Lurraren Defentsa erdigunean jartzea erabaki dugu.
Kapitalismoak bizitzaren iraunkortasuna kolokan jartzen du eta hori dela eta, horri aurre egitea mundu mailako jendartearen erronkarik handiena da.
Egoera horren aurrean, lurra defendatzeko borrokak antolatzen dira. Hegoaldeko herrialdeek urteak daramatzate lurraren defentsaren alde antolatzen, baina hemen ere proiektu suntsitzaileak ematen dira, eta geroz eta gehiago ari gara ondorioak jasaten.

Gaur egun Lea-Artibain hiri-hondakinak kudeatzen duen enpresarekiko kontratua amaitzearekin batera, Amankomunazgoak iragarri du udalerriek gaikako bilketa hobetzeko pausoak emango dituztela. Egia esan, eskualdeko udalerrietan ingurumenarekiko kontzientzia-maila, oro har, ona dela esan daiteke, baina orain alor honetan pausoak ematera badoaz ez da kontzientzia-maila ona dutelako, Legeak hala agintzeko duelako baizik. Zehatz-mehatz, Ekonomia zirkularrerako hondakin eta lur kutsatuen gaineko 7/2022 Legeak, apirilaren 8koak, Europar Batasunaren 2018/851 Zuzentarauaren helburuak bere egiten dituelako. Bestela esanda, udalerriek Bruselatik datorren agindu bat bete egin behar dute.

“Erandioko gertakarien” 55. Urteurrenean ( arnastezina zen aire oso kutsatuak eragindako protestaldiak, non balaz hildako bi eta zenbait zauritu izan ziren), egun gauzak ezberdinak diren arren ( ekoiztek erak, arauak, administrazioaren papera…) badira egun ere Asuako arroan osasuna eta ingurumena arriskuan jartzen dituzten lantegi oso kutsakorrak ere. Kontrolez kanpo dauden isurketei aurre egiteko elkarlanerako akordio lortu dugu Erandioko Auzotarrok ERANDIO BIZIRIK eta Eguzki Talde Ekologistak.

Erdiz Bizirik plataformak eta Sustrai Erakuntza fundazioak gora jotzeko errekurtsoa
aurkeztu dute Nafarroako Industriako eta Enpresen Trantsizio Ekologiko eta Digitalerako
kontseilariaren aurrean, Rafael Sur sektorean El Quinto 2895 meategia ustiatzeko
proiektua zabaltzeko baimenaren aurka; zeina Magnesitas Navarra S.A. (MAGNA)
enpresak sustatu duen.

Berogeita hamar talde baino gehiagok, tartean Eguzki, bat egin dugu desazkunde turistikoa eskatzeko igandean, BiziLagunEkinek deituta, Donostian egingo den manifestazioarekin. Manifestazioak biribilduko du Turistifikazioaren Aurkako Urria deitutako ekimena. Izan ere, gehiehizko turistifikazioaren gaineko gogoeta sustatzeko hainbat ekintza egin dira, gaiari umoretik, eztabaidatik edo aldarrikapenetik helgu diotenak.

Beste behin ere, manifestazio bat deitu behar izan dugu, oraingo honetan, larunbata, URRIAK 26, Araba mehatxatzen duten makroproiektuen aurka gaudela adierazteko.
Proiektu berriak sortu ahala, inolako ordenarik eta zentzurik gabe, proiektu horien eragin larria jasaten duten herri, mendi eta lurraldeetan, astakeria zentzugabe horren aurrean herriaren erantzun sendo eta azkarra sortu da.

Aldundia egokitzen hasi da, azkenik, Marrutxipiko lotune berrian zarata apaltzeko ezarri dituen pantailak, hegaztiek pantaila horiek oztopo bat direla garbi ikus dezaten eta, ondorioz, talka egin ez dezaten. Abuztuaren hasieran hasi ziren pantailak jartzen, eta naturzaleen artean berehala piztu zuten kezka, gehienbat sareetan islatu zena. Izan ere, pantailak, gaur arte, erabat gardenak izan dira, eta kristal gardenak zein ingurua ispilu baten moduan islatzen dutenak hegaztientzako tranpa hilgarriak dira. Ez da inolaz ere arazo anekdotikoa, biodibertsitate-arazo larria baizik,

Joan den irailaren 3an, Nafarroako Aldizkari Ofizialean argitaratu zen Nafarroako Gobernuak Nafarroako Energia Planaren eguneraketa jendaurrean jarri duela. Urrats garrantzitsua izan beharko luke honek gure komunitatearen etorkizunerako, energiak zein beronen erabilerak gure gizartearen jasangarritasunerako duten garrantzia kontuan hartuta.