Albistea

• Gipuzkoako baso kontseiluaren osaketak aldundiaren basogintza politiko intentsibo eta atzerakoia dela uste du Mugimendu ekologista

  2012-08-12
  Partekatu - Compartelo

  
  

  Urtebete igaro da aldundiko Nekazal Garapena saila martxan jarri zenetik, eta sail honek, basogintzakoa bezalako interes pribatuen lobbyekin loturak hautsi gabe jarraitzen du.
  

  Urtebete igaro da aldundiko Berrikuntza, Nekazal Garapena  eta Turismo saila martxan jarri zenetik, eta sail honek, basogintzakoa bezalako interes pribatuen lobbyekin loturak hautsi gabe jarraitzen du. Jon Peli Uriguen aldunarekin zenbaitetan bildu eta Gipuzkoan bioaniztasuna, basogintza politika, ehiza… egoki kudeatzeko oinarriak aurkeztu  arren, ez dugu erantzunik jaso; ez digute Baso Kontseilu hau sortzeko aukeraren berririk eman, Gipuzkoan eraman beharreko basogintza politikari buruzko proposamenak egin ditugula hilabete eskas igaro denean. Beraz, Sailaren politika jarraikorra salatzen dugu, ez bait da aldaketarik eman ez legegintza ikuspegitik, ezta antolaketa, zuzendaritza edo/eta diru inbertsioaren ikuspegitik ere eta non baso kontserbaziorako politikari dagokionean natura ez den kontuan hartzen. Azken 30 urte hauetan, edozein aldaketaren aurka dauden indar berak ari dira Gipuzkoako ingurune naturalaren lema gidatzen. Dena kontrolpean ezer ez aldatzeko.

  Jarraikortasun honen azkena adierazpena, Gipuzkoako Baso Kontseiluaren sorrera izan da, non basogintza sektoreari neurrizgaindiko ordezkaritza eman zaion, Gipuzkoako mendietan  hamarkadatan zehar eragindako ingurumen kalteen benetako arduradunak direnean. Bestalde, Kontseilu horretan, herrialdeko 16 talde ekologista naiz konserbazionisten parte hartzea ordezkari bakarrera mugatu da, Gipuzkoar gizarteko jende ugariren ikuspuntua ordezkatzen duten gizarte mugimenduak, zeinak hamarkadatan zehar beraien bolondres edo boluntarioak, inongo helburu ekonomikorik gabe, lanera bidali dituzten, Leitzaran, Aralar, Añarbe, Irati edo Belaguako baso mehatxatuen defentsa eta babestera. Gainera, Foru Dekretu zaharkitu honek,  milaka mendizaleren ordezkariak edo ingurumen naiz baso berreskurapenean diharduten enpresak ere baztertzen ditu.

  Erakunde guztiok Jon Peli Uriguen Aldunari Baso Kontseiluaren osaketa  alda dezala eskatzen diogu, hala nola hauteskunde kanpainan agindutakoa bate dezala, berehalakoan has dadila gure baso natural urrien mantentze eta berreskurapen masiborako politikan norabide aldaketa ematen, ingurune babestuetan indarrean dauden legeak ezarri ditzala eta geldi dezala Gipuzkoako mendien harrapaketa eta ustiapen intentsiboaren foru finantzaketa, zeina milaka eta milaka hektarearen egur landaketa komertzialen bidez gauzatzen den.

   

  Noizko ehiza, arrantza eta baso Kontseiluak bilduko dituen Bioaniztasunaren Kontseilu Aholkulari zabal et anitza?

   

  Donostian, 2012ko uztailaren 30ean.

   

   

  Gipuzkoako talde ekologista eta naturzaleak

  Berdeak

  Eguzki

  Ekologistak Martxan

  Erkaxo Azpeitiako Natur Taldea

  Haritzalde

  Itsas Enara Ornitologi Elkartea

  Landarlan Natur Elkartea

  Mutriku Natur taldea

  Okil Beltza, Elgoibarko Natur Taldea

  Osina Natur Taldea

  Ugatza Ornitologi Elkartea

  Katamarrua, Zestoako Natur Taldea

  Zumaia Natur Taldea

  Herrio Natur Taldea

  Arkamurka Natur Elkartea

  Ondarroa 12 milia

  
  

  Partekatu - Compartelo