Albistea

  • ‘Belartza 2 gelditu!’ plataformak martxa bat antolatu du inganderako

    2016-11-22

    ITURRIA: Irutxuloko Hitza

    CxnHX0wXEAERs_7

    Mobilizazio honen bitartez orain arte Belartza Canterako eremuan egin dituzten eta egiten ari diren irregulartasunak salatzeaz gain, Goiko Belartza eremuan eraiki nahi duten Belartza 2 poligonoaren proiektua bertan behera uzteko eskatuko dute martxaren antolatzaileek. Era berean, inguru hori eremu natural bezala babesteko exijituko dute.

    “Garbi esan nahi dizuegu borroka hau irabazteko aukerak badaudela, baina, horretarako, teknikoki eta juridikoki egiten ari garen lanari herritarron presio politikoa gehitu beharko diogu, aldian behin, mobilizazioak antolatu eta Donostiako Udalari herritarron nahia garbi erakutsiz”, diote plataformako kideek.

    Añorgatarren egunerokotasuna, bizi eredua eta komertzio txikien biziraupena jokoan daudela salatu dute. Horrela, “Donostiak hartu duen norabide zentzugabeko honi ere ezetz esateko”, deia luzatu dute igandeko protesta martxara batzeko.