Albistea

• Bizikletak eta hondakinak: 20 isun egun bakar batean; 17, bi hilabetean

  2017-06-25
  Partekatu - Compartelo

  
  

   

  

  ARGAZKIA: NOTICIAS DE GIPUZKOA

  Joan den astean, egun bakar batean, Donostiako Udaltzaingoak 20 isun ezarri zizkien bizikleta hondartzetako barandillan edo inguruko faroletan lotuta zeukaten pertsonei. “Operazioa” biribiltzeko, 6 bizikleta udal biltegira eraman zituzten.

  Kasualitatez, joan den astean ere jakin dugu Udaltzaingoak berak, bi hilabeteko kanpaina baten buruan, 17 isun ezarri dituela Parte Zaharrean zaborra lekuz kanpo uzteagatik.

  Eguzkik ez du errebindikatzen ez isunak jartzea ez kentzea. Dena dela, hain desoreka nabarmena ikusita (20 isun EGUN BAKAR BATEAN; 17, BI HILABETEAN), garbi dago Udalari askoz gehiago axola zaizkiola lekuz kanpo aparkatutako bizikletak lekuz kanpo botatako zaborrak baino. Guri ez, behntzat. Eta zuri?

  
  

  Partekatu - Compartelo