Albistea

• Abuztuak 12, manifestazio antitaurinoa Donostian

  2017-08-03
  Partekatu - Compartelo

  
  

  Donostiako Aste Nagusian urtero zezenketen kontra egin ohi den manifestazioa abuztuaren 12an izango da aurten. Donostia Antitaurina Orain! plataformak antolatuta, arratsaldeko 18:00etan abiatuko da Bulebarretik. Eguzkik dei egiten du espresuki parte hartzera, PPko Gobernuak galdeketa debekatu egin duela eta Eneko Goia EAJko alkatea, berriz, agindu zuenaren kontra, debekuaren aurrean ez dela ezer ere egiten ari salatzeko.

  Bestalde, Manifestazioa 12an izango den arren, aurreko eta ondorengo hiru egunetan ere elkarretaratze isilak egingo dira Udaletxe aurrean. Hau da, abuztuaren 9an, 10ean, 11n, 13an, 14an eta 15ean, elkarretaratze isilak egingo dira Udaletxe aurrean, 18:00etatik 18:30ak arte.

  Eguzkik, esan bezala, deialdi hauetan guztietan parte hartzera deitzen du, eta, horrez gain, bere kabuz giro antitaurinoa sustatzen saiatzen ari da. Lehengoan, adibidez, Udalak Illunbe ez ezik beste ondare munizipalak ere zezenketen negozioaren zerbitzura jartzen jarraitzen duela salatu zuen. Horren lekuko da “Lotsaren autobusa”:

  http://eguzki.org/2017/07/29/lotsaren-udal-autobusa/

  Halaber, egunotan erakusketa txiki bat jartzen ari gara Parte Zaharrean. Erkusketa horrek pertsona askoren arreta bereganatzen du… baita lehengoan identifikarazi gintuzten bi munizipalena ere.

  

  
  

  Partekatu - Compartelo