25 urte geroago, ezkerreko argazkian bezala dago; eskuinekoan bezala egon beharko luke, ordea.

Datorren urtean, 2019an, Txingudiko Eremuaren Baliabide Naturalak Babesteko eta Antolatzeko Plan Berezia indarrean sartu zela zilarrezko ezteiak beteko dira. Eusko Jaurlaritzak, Gipuzkoako Foru Aldundiak eta Irungo eta Hodarribiako Udalek sinatutako Agiri horretan, Bidasoaren bokalearen ingurunea leheneratzeko beste puntu batzuen artean jada azaltzen zen Plaiaundiko kirol-instalazioen lekualdaketa Plan Bereziak babestutako eremutik kanpo dagoen beste toki batera.

2013ko ekainean, Eusko Jaurlaritzaren dekretu bidez, eremu hau Natura 2000 Sare europarraren bi babes-figuren (BBE eta KBE) menpe kudeatzeko nahitaezko araudia onartu zen, non, nahitaez bete beharreko beste jarduketa batzuen artean azaltzen baita errugbi-zelaiak eta atletismoko pistek hartzen dituzten 2 hektareak estuario-ekosistemara leheneratzea. Kontserbazio-egoera ON bat lortzeko, neurri horrek 6 urteko epean egon behar du gauzatuta aipatutako kudeaketa-agiriaren onarpenetik, hau da, 2019ko ekainean.

2013ko ekainera arte, instalazio horiek ordezkatuko lituzketen beste instalazio berri batzuek baldintzatzen zuten egungoen eraispena, baina data horretatik aurrera, eremu hori halabeharrez leheneratu behako da Europako Batzordearen aurrean, kirol-instalazio berri batzuk beste leku batean eraiki diren ala ez alde batera utzita.

El año que viene, 2019, se cumplirán las bodas de plata de la entrada en vigor del Plan Especial para la Protección y Ordenación de los Recursos Naturales del Área de Txingudi. En este documento, firmado por el Gobierno Vasco, la Diputación Foral de Gipuzkoa y los ayuntamientos de Irun y Hondarribia, entre otros puntos para la restauración ecológico-medioambiental de la desembocadura del Bidasoa, ya aparecía el traslado de las instalaciones deportivas de Plaiaundi a otro emplazamiento fuera del área protegida por el Plan Especial.

Natura 2000 Sarearen kudeaketa-agirian finkatutako epea betetzeko urte bat soilik falta denean Plaiaundiko kirol-instalazioak oraindik hor egotea eta instalazio horiek ordezkatuko dituzten berri batzuk eraikitzeko pauso bakar bat ere eman ez izana Irungo udal gobernuek, ezgaitasunagatik edo borondate faltagatik, erakutsi duten gelditutasunaren ondorio da.

Erakundeetatik esan ohi da asko egin dela Txingudin eta, neurri handi batean, egia da, baina kirol-instalazioen gai honetan, luzamendutan ibili dira denbora eta dirua galduz, birkokapen zenbatezinak proposatuz inolako irtenbidera ez iristeko.

Bidasoaldeko Lagunek Txingudiri buruzko orri informatiboak banatu dituzte asteburuan Ficoban, non produktu ekologikoen feria Bioterra ospatu den.

Zer egin behar du Irungo Udalak, Eusko Jaurlaritzari eta Europako Batzordeari aurre egin, orain arte bezala, Plaiaundiko leheneratzea oztopatuz edo udal instalaziorik gabe utzi horien erabiltzaileak, kirol klubak eta eskola kirola?

Ikasturtean zehar ikasten ez duen eta azken txanpan ere ahalegintzen ez den ikasle kaskarra bezala (25 urtekoa, alajaina!), ezin izango die besteei errua bota azken azterketa suspenditzeagatik.