Albistea

• Isurketa kutsakor bat salatu du Eguzkik Errekatxulon, Donostiako Errekalde auzoan

  2018-08-28
  Partekatu - Compartelo

  
  

  Joan de asteburuan Eguzkik isurketa kutsakor berri bat salatu du, oraingoan Errekatxulon, Donostiako Errekalde auzoan.

  Errekan oso nabariak ziren olio itxurako orbanak eta isuru zurixka bat. Hona hemen bideo bat:

  https://youtu.be/vAh4y7QoO9c

  112ra deitu genuen, SOS Deiak-era, alegia. Eta ibai edo erreka batean isurketa kutsakor bat atzematen duen herritar oro gauza bera egitera animatzen dugu. Izan ere, 112ra deitzea da Ura Agentziako ikuskatzaileak martxan jartzeko biderik azkarrena, baita, hala badagokion, behintzat, analitikak egiteko edo babes-neurriak hartzeko biderik azkarrena ere.

  Isurketak urte osoan egiten dira, baina udan “ikusgarritasun” gehiago izan ohi dute. Hainbat faktorek esplikatzen dute hori, baina begi-bistakoena da uda partean ibaiek eta errekek ur gutxiago eraman ohi dutela eta, ondorioz, isurketak nabarmenago geratu ohi direla.

  Eguzki, agosto de 2018

  P.S. Errekak urte sasoi honetan oso ur gutxi daramanez, gaur, abuztuak 28, oraindik ikus (eta usaindu) daiteke isuritakoaren arrastoa.

  
  

  Partekatu - Compartelo