Albistea
-
Eguzkik Lasarte-Oriako Udala kritikatu du hegazti harrapariz osatutako zoo bat babestu duelako
2018-09-17
iKUSGAI EGON DIREN HIRU HONTZ HANDIETAKO BAT.
Aurten bigarren urtez, Lasarte-Orian hegazti harrapariz osatutako zoo txiki bat ikusi ahal izan dugu, Donejakue Bideko III. Azokaren aitzakian. Txanpon batzuen truke, haurrek hontz handi bati edo mozolo bati “maite-maite” egin ahal izan diete gurasoek argazkiak ateratzen zituzten bitartean. Putre kaputxadun afrikarrari, berriz, gutxiago hurbildu zaizkio, bistan baita jainkoek edertasuna banatu zutenean, ez zutela denen artean neurri berean banatu.
Kontua da hegazti zoragarri hauek (hogei bat) asteburu santu guztia pasatu dutela Udaletxe aurrean, hanka burdinazko eraztun bati lotuta, egunean hamar bat orduz, eguneko zein gaueko harrapariak izan. Tratu txarra ote? Sentsibilitate minimoa izanda, ezin duda handirik izan galdera honi erantzutean.
Iaz, minizoo hau salatu genuenean, erantzun ziguten bazituztela baimen guztiak. Jakina! Baimenik ez izatea baino ez genuen falta! Alabaina, Animaliak Babesteko eta Edukitzeko Udal Araudiak honako hau dio:
13 artikulua.- Debekuak
1.- Erabat debekatuta dago:
a) Animaliei tratu txarra ematea, edo arrazoirik gabe sufrimendua, mina edo larritasuna eragin liezaieketen edozein jarduerapean jartzea.
Feria honen antolatzailea, azken batean, Udala bera da. Eta baldin eta Udala bada Araudiaren aurrean ezikusiarena egiten duen lehena, hori paper bustia baino ez da eta moral bikoitzaren adibide garbia: gauza bat aldarrikatu bai, baina oso bestelakoa egiten dut.
EGUZKI, 2018ko irailean
Gurasoek ez dute inolako kulparik, eta are gutxiago haurrek, baina garbi dago hainbesteko “maite-maite”k hegaztiei ez diela batere mesederik egiten.
Hontza zuri hau behin baino gehiagotan saiatu zen alde egiten. Esoro ez zegoen seinale.
Guztira, 20 bat alek osatzze zuten zooa.
Bisita Kontadorea
KANPAINAK
LIBURUAK
