Albistea

  • Anoetako estadioaren inguruan lehen botatako zuhaitzak orain ordezkatzeko eskatu du Eguzkik

    2022-05-12
    Los puntos rojos sobre el plano representan a los árboles que fueron eliminados con ocasión de la ampliación del estadio.

    Puntu gorriek adierazten dute non zeuden estadioa handitzeko botatako zuhaitzak.

    Donostiako Udal Gobernuak joan den astean erabaki zuen Anoetako estadioaren ingurua berrurbanizatzea, eta horretarako 7 milioi euro bideratu ditu. Gauzak horrela, Eguzkik zera eskatu nahi dio Udal Gobernuari: estadioa handitzeko bota ziren 150 zuhaitzak ordezkatzeko aprobetxatu dezala, horretarako behar beste diru bermatuz.

    Garbi dago estadioa handitu ondoren, inguruko urbanizazioa biribiltzeko lanak egin behar direla, baina ez da ahaztu behar estadioa handitzeko 150 zuhaitz bota zirela.

    Beraz, estadio inguruko eraztun berde hori, behintzat, berreskuratu egin behar da, neurri ertaineko 150 zuhaitz sartuz.

    Amara dentsitate handiko auzoa da, berdegune asko ere ez dituena. Eraztun berde hori, behintzat, berreskuratu egin behar da. Gainera, gaur egun estadioaren inguruak duen porlanezko basamortu itxura leuntzen lagunduko du.

    Porlanezko basamortu itxuraz ari garenean, zertaz ari garen? Honetaz, adibidez.

    Porlanezko basamortu itxuraz ari garenean, zertaz ari garen? Honetaz, adibidez.

    Ez dugu uste 7 milioi euroko aurrekontu batetik %1 zuhaitzak landatzera bideratzea asko eskatzea denik.

    Donostiako EGUZKI, 2022ko maiatzean

KANPAINAK

BIDEOAK

EGUTEGIA

May 2022
M T W T F S S
 1
2345678
9101112131415
16171819202122
23242526272829
3031  

LIBURUAK

liburuak