Euskal Herriko AHTren aurkako mugimenduok, iparraldekook zein hegoaldekook, hogeita hamar urteko borrokaren ondoren, gure konpromisoa berretsi nahi dugu, Euskal Herriaren historiako proiektu suntsitzaile, xahutzaile eta antisozialena behin betiko geldiaraztea lortu arte.
Gauzak horrela, dei egiten diegu Euskal Herriko pertsona zein talde sozial eta sindikal guztiei larunbatean, apirilaren 15ean, goizeko 11etan, Biriatuko udaletxearen aurrean egingo den ekitaldian parte har dezaten. Adi: Biriatuko agerraldia 11etan izango da, baina lehenengo hitzordua 10etan da, Behobiako zubian, bertatik Biriatura oinez joateko.
Ekitaldian, konpromisoa jasotzen duen agiria, harekin bat egin duten taldeen izenak eta 30. urteurrena dela eta programatutako jarduerak ezagutaraziko dira. Jarduera horietako batzuk dagoeneko kartelean ikus ditzakezu.
EGUZKIk espresuki dei egiten dizu Biriatuko agerraldi jendetsuan parte har dezazun.
Informazio Publikoaren Sarbiderako Euskal Batzordeak 2023ko martxoaren 21ean emandako ebazpenaren bidez, Errenteriako Udalari eskatu zion 10 eguneko epean eman zezala Eguzki taldeak eskatutako informazioa.
