Albistea

• Tolosako Zerkausian hegaztien talkak eragozteko konponbidea eskatu du Eguzkik

  2023-07-03
  Partekatu - Compartelo

  
  

  Hamaika txorik, batez ere intsektujalek, jarraitzen dute Tolosako Zerkausiko kristalaren kontra talka egiten. Azken hamar urteotan dozenaka aurkitu ditugu hilik, hala nola, txinbo kaskabeltzak, txio arruntak, zozoak, enarak edota txorlarreak. Azkena, orain dela egun batzuk, honako aitz-enara hau izan zen:

  Txori espezie hauek eltxoen izurriteak eragozteko duten garrantzia eta kristalaren kontrako talkak saihesteko edota gutxitzeko moduak egon badaudela kontuan izanik, zera galdetzen dugu: zenbat txori gehiagok hil behar dute, Udalaren Ingurumen Sailak behingoz neurriak har ditzan?

  EGUZKI, 2023ko uztaila
  

  

  Zerkausiko kristala bene-benetako tranpa da Oriaren bueltan dabiltzan txori intsektujaleentzat. Azkena aitz-enara bat izan da, argazkian beheko eskuneko angeluan ikusten dena. Baina azken urteotan askoz gehiago topatu ditugu hilik. Hona hemen batzuk:

  

  
  

  Partekatu - Compartelo