Larunbat honetan, Guggenheim Urdaibai Stop!ek deituta, talde ekologista, talde eta eragile soziokultural askoren laguntzarekin,Gernikan protesta egin dugu Urdaibaiko biosferaren erreserban bigarren Guggenheim museo bat eraikitzeko proiektuaren aurka.
Manifestazioa oso jendetsua eta zaratatsua izan da, turutaz, eltzeaz, txilibituz, zintzarriz eta abarrez lagundurik, eta mobilizatu garen milaka pertsonen artean Eñaut Elorrieta kantaria, Gatibu taldeko kideak, Edorta Jimenez idazle, Ana Urrutia ETBko aurkezle ohia, Javier Etayo (Tasio), Paul Nicholson, Iñaki Antigüedad,… ikus zitezkeen.
Proiektu honen jarduera-planetik ezagutzen da bi eraikin izango dituela, bata Gernika Lumon, Dalia izeneko enpresa zaharraren lurretan, bigarrena Astilleros Muruetan, “bide berde” batez elkartuta. Bien artean 60.000 metro karratu inguru direla, nahiz eta proiektua ez den xehetasunez ezagutzen, ez zaie osorik aurkeztu inguruko herritarrei, eta ez zaio aukerarik eman horri buruzko iritzia emateko.
Proiektua zazpi zatitan kudeatzen ari da, eta partzialki ari dira, baina ez osorik (lege arazoak sahiesteko, suposatzen dugu). Guggenheim Biabao Fundazioaren aldetik iluntasun handiz kuadeatzen ari dira egitasmoa, Bizkaiko Aldundiaren eta Espainiako eta Lakuako gobernuen babes politiko eta ekonomikoa.
Eguzkin, euskal ekologista garen aldetik, proiektuak babes bereziko gune batean, Biosferaren Erreserbaren izendapena buru duen ( Euskal Herrian beste bat baino ez dago, Bardeak) babes-figura garrantzitsuenen jabe den inguru batean izango lukeen inpaktu izugarriak kezkatzen gaitu. Gure erakundeak ingurumenaren aldetik Euskal Herriko eremurik enblematikoenetako bat zaintzeko gai ez badira, erasotzeko gai baizik, zer egiteko gai izango dira balio ekologiko handiak izanik babes-figurarik ez duten beste eremu batzuetan?
Busturialdeko biztanleek aipatzen duten bezala, beren natura-guneak babesteko borroka eta horiek babestu beharko lituzkeen araudia gertutik ezagutzen baitute, proiektuak ez du lekurik, ez Biosfera Erreserbako araudiaren arabera, ez zentzuko ikuspegi batetik, bereziki sentiberak diren eremuak Urdaibaiko hezeguneak berroneratzeko arreta berezia eta zaintzarako gaitasuna behar baitira.
Urteetan zehar luzatuko liratekeen obren eraginaz gain, bada alarma pizten duen datu bat, 140.000 bisitari ingururen denboraldiko iragarritako bisita. Eta turismo jasangarriaz hitz egiten digute, zein aurpegi gogorragoa duten.
Hainbat urtetan luzatuko liratekeen obren eraginaz gain, bada datu bat larritasunaren berri ematen duena: denboraldi bakoitzean 140.000 bisitari inguru arreikusten dira. Hori, lehen ere turismoa ugari den lekubatean hondartzek (Bizkaiko hondartzen heren bat baino gehiago Urdabain daude), surfak, Gernikako Arbolak, Gaztelugatxek eta, nola ez, Biosferaren Erreserba batean aurki ditzakegun balio eta aniztasun ekologikoak erakarrita.
Eta turismo iraunkorraz hitz egiten digute, a zer aurpegia dutena!
