Albistea

• Zestoako Iraeta auzoan legez kanpoko hondakin isurketak salatu ditu berriro Eguzkik

  2023-07-28
  Partekatu - Compartelo

  
  

  

  Legez kanpoko hondakin-deposito berrietako bat, elizatik gertu.

  Ekainaren amaieran salatu genuen legez kanpoko hondakin isurketa bat gertatu zela elizatik 100 metro eskasera, Arroa Goia eta Ibañarrieta auzoetara doan errepidean, eta beste bat elizatik bertatik 900 metro inguruko hartxintxarrezko pista bati jarraituz, Aizarnazabal aldera. Oraingoan, beste bi isurketa salatu behar ditugu auzo berean, baina isurketa horiek ez dute eraginik izan ibai-sisteman, aurrekoekin gertatu zen bezala, non hondakin asko hainbat errekastotara isuri ziren.

  Hemen ekainaren amaierako komunikatua: http://eguzki.org/2023/07/01/legez-kanpoko-hondakin-isurketak-salatu-ditu-eguzkik-zestoako-iraeta-auzoan/

  Isurketetako bat leku berean gertatu da, elizatik 100 metrora. Besteak beste, etxeko hondakinez betetako poltsak eta eraikuntza-elementuak egiteko erabiltzen diren morterozko zakuak. Oro har, igeltserotza-lanetarako erabiltzen dira.

  Hurrengo isurketa aurrekotik 300 metrora dago, Arroa Goia eta Ibañarrieta auzoetarako errepidea, ezkerretara, autobus-geltoki baten atzean, ibilgailuak aparkatzeko erabiltzen den gune batean. Gehienak hiri-hondakinak dira. Neurri txikiagoan, baita ere, pertsiana-zerrendak eta oihal zurizko zakuak, hormetarako paper margotuz beteak. Era berean, uralita-hodien zati txikiak (gogoratu uralita hondakin arriskutsu gisa sailkatuta dagoela amianto-edukiagatik). Horrek guztiak esan nahi du litekeena dela hondakin horiek eraikuntzako eta etxeko konponketako obra txikietatik etortzea.

  

  Bigarren hondakin-depostitoa, aparkaleku batean.

  Uztailaren 28ko 22/2011 Legean ezarritakoaren arabera, debekatuta dago hondakinak kontrolik gabe isurtzea edo ezabatzea. Toki-erakundeei dagokie beren eskumenen esparruan zaintza- eta ikuskapen-ahalak eta zehatzeko ahala baliatzea.

  Horregatik, Eguzkik Zestoako Udalari eta Urola Erdiko Mankomunitateari eskatu die ingurua lehengoratzeko eta gertakari horiek ikertzeko.

  Eguzki, 2023ko uztaila

  
  

  Partekatu - Compartelo