Albistea

• Baso babestu baten zati zabal bat bota dute Donostian

  2017-05-09
  Partekatu - Compartelo

  
  

  Haritzalde naturzaleen elkarteak gogor salatu du Donostian, Lourdes Txiki inguruan, Ekintza Ikastola ondoko malda batean, egin den zuhaitz mozketa bortitza. Luiziak eragozteko aitzakian, ia 2,5 hektarea baso babestu bota dituzte, ehun urtetik gora zituzten haritzak barne. Benetan luiziak eragoztea helburu bazuten, nekez har zezaketen neurri zentzugabeagorik. Izan ere, orain malda babesgabe geratu da eta, ondorioz, luizi-arriskua nabarmen areagotu da. Hain da zentzugabea ezen zilegi da galdetzea ea ekintza honen atzean interes ilunik ez ote dagoen. Udalak espedientea irekiko duela esan du, baina, egia esan, bera izan da triskantza honen eragile zuzena.

  Haritzaldek bildu dituen datuen arabera, operazioak ia 2,5 hektarea hartu ditu; guztira, kilometro inguruko luzera duten pistak ireki dituzte; basoa Donostiako Planeamenduak babestuta zegoen; ehun urtetik gorako haritzak (bertakoak) moztu dituzte; higadura- eta lurzoru galera-arrisku bizian gelditu da mendi magala; triskantza faunaren bete-betean ugal garaian egin dute; paiasaian sortutako inpaktua ikaragarria da, Kontxatik bertatik ikusten delarik; kaltetutako eremua landa-lurrak dira, beraz, ekintza Gipuzkoako Foru Aldundiak baimendu behar zuen, eta ez du eman, horren berririk ere ez zuen eta.

  Donostiako Udala izan da egoera penagarri horren eragile zuzena. Izan ere, Hirigintzako zinegotzi  Enrique Ramosek aginduta, lursailaren jabeei Ikastolaren atzealdeko magalean 50 bat metro siltzeko agindua eman zitzaien. Donostiako Udalak agindu ez zehatza eman zien jabeei, baldintzarik gabekoa eta haien betebeharrak gogorarazi gabe. Gainera horren gainean ez zuen inolako zainketarik aurreikusi.

  Haritzaldek honako hauek galdetzen ditu: Den-dena kasualitatea ala susmo txarra hartu behar ote diogu? Arduragabekiaria eta ezgaitasun kontua da ala gertatutakoari usain txarra hartu behar diogu? Lursailen jabeak BBVA eta Sociedad de Ingeniería, Desarrollos Urbanísticos y Promociones S.L. omen dira. Horrek zer pentsatua ematen du.

  

  
  

  Partekatu - Compartelo