Albistea

• Gose-greba bukatua, erraustegiaren kontrako borrokak jarraitzen du

  2017-06-22
  Partekatu - Compartelo

  
  

  Bart bukatu da Easo Plazan astebete iraun duen erraustegiaren kontrako gose-greba, helburuak ederki asko beteta bukatu ere. Izan ere, erraustegiaren kontrako aldarria atebetez Donostiako kalera eramatea, goizez eta gauez, 24 orduz, ez da marka makala. Eta garrantzitsuena; gose-greba bukatu bada ere, erraustegiaren kontrako borroka bizi-bizirik dagoela erakutsi du.

  Gose-gebalariek berdura-salda edaten bukatu dute baraualdia, eta Easo Plazako erresistentzia-gunea posible egin duten guztiei esker ona ematen.

  

  Estitxu Eizagirrek, berriz, kopla sorta polita egin digu opari. Merezi dute eta, hona hemen:

  https://youtu.be/BStyX_gGf1E

  Bukaera-ekitaldia ez da eguneko ekintza bakarra izan. Arratsaldean, hainbat lagun bildu dira DVren aurrean komunikabide handiek gose-greba isildu dutela salatzeko, astelenean ETBren aurrean bildu ziren bezala.

  

  Gose-grebaren egunez eguneko segimendua honako helbide honetan aurkituko duzu: 

  http://eguzki.org/2017/06/10/erraustegiaren-gezur-handiaren-aurka-gose-greba/

  Alabaina, erraustuez.org webgunean askoz bideo, argazki eta, oro har, informazio gehiago aurkituko dituzu.

  www.erraustuez.org

  
  

  Partekatu - Compartelo