Albistea

• Ehundaka lagunek metroaren pasantea gelditzeko aldarrikatu dute gaur Kontxara egindako martxan

  2017-07-15
  Partekatu - Compartelo

  
  

  Ehundaka lagunek parte hartu dute gaur eguerdian Donostian metroaren pasantearen proiektua gelditzea aldarrikatzeko Kontxara egindako martxan. Mobilizaioa eguerdiko 12etan Amara-Easoko tren geltokitik abiatu da eta manifestazioaren buruan “METROARI STOP” leloa osatzen zuten kartel handiak hartuta, baita manifestariek kartel aldarrikatzaile ugari erakutsita, martxak hiri-erdialdeko kaleetara zabaldu du aldarrikapena. Martxa oso animatua izan da eta etengabeak izan dira manitestariek oihukatu dituzten leloak eta kantak.  Manifestazioa Kontxako Erlojuetan amaitu da, eta hor ehun bat lagun hondartzara jeitsi dira “METROA KONXTAREN AZPIAN. EROKERIA!” “UN METRO BAJO LA CONCHA. ¡¡QUE LOCURA!!” zioten bi pankarta azpiegitura honen trazaduaren gainean zabalduz 20 minutuko ekintza sinbolikoa egiteko. Manifestazioan eta Kontxako pasealekuan esku-orri informatibo ugari banatu dira, lau hizkuntzetan.

  Gaurko manifestazioaren ondoren, Satorralaiak herritarren erantzuna antolatzen segituko du. Ildo honetan, datorren ostegunean hilak 20 asanblada batera deitzen dugu, arratsaldeko 7etan Amarako Eskoletan (sarrera Larramendi kaletik). Izan ere, Eusko Jaurlaritzak proiektu hau era zeharo inposatzailean bultzatzen segitzen duela salatzen dugu, eta uda beteko giroan metroaren “Mirakontxa-Easo” zatia eraikitzeko asmoz joan den astean hiri-erdialdean eta Amaran desjabetzak egiteko prozedura abian jarri du.  

  Berriro diogu: metroaren pasantearen egitasmoa gelditu eta auzi honetan herritarren parte-hartze bete eta zuzena sustatuko duen eztabaida eta erabaki prozesu partehartzaile bat ireki behar da.

  Metroaren pasantea gelditzeko Satorralaia bizilagunen mugimendua

  
  

  Partekatu - Compartelo