Albistea

  • Petronorreko jardueraren alboko kalteak eta biktimak

    2017-08-25

    petronor**Aste honetan Petronorren Coke instalazioan gertatu den gertakariaren aurrean Meatzaldea Bizirik Ekologista Taldeak hau eta aurrekoak salatzeko martxa txiki bat deialdia egin du bihar eguerdiko 12:00etan.

    OHARRA

    Antortxatik “bonbardaketak”pairatu ditugu,  gasolinaren usaina eta ezin ditugun ezagutu eta arnastu ditugun emisioak. Larritasunarentzat orduak , 112ra deiak, baina hurrego egunean tortura itzultzen da eta berarekin batera Petronorreko azalpena ” tenperaturaren igoerak sortutako akatsa”.  28º gainditen ez genituenean gertatzeak kezkatuta utzi gaitu , eta are gehiago baldin eta tenperatuaren igoera txiki batek sor badezake halako gertakaria. 

    Orain 10 urte hasi ginen antolatzen Petronorreko zabalkundearen aurka , egitasmoa URF ( coke , hain zuzen ere), arriskuak ikertu genituen , tramitatu genituen 11.000 alegazio Eusko Jaurlaritzaren aurrean, Muskizko eta Abanto – Zierbenako udalek ere egin zituzten beren ekarpenak talde profesional afamatuenei kontsultatu ostean . Borrokatu behar izan genuen bai kalean baita epaitegietan ere, noizean behin epaiketaren bat irabazten baina azkenean galdu egin genituen guztiak eta egitasmaok aurrera egin zuen. Hortik aurrera hor bizi da monstruoa zeinak hasieratik kalteak baino ez dizkigu ekarri esate baterako “coke hautsaren euriak”, usain nazkagarriak, zarata jasanezinak, abian jartzeak eta programatutako eta ez programatutako geldiketak. Enpresa berak onartu egin du arazoak dituela eta haien konponbidearen bila abiatzen dela . Guk , ordea, ez dugu zertan jasan behar beraren funtzionamendu okerra, ezta sortzen dituen alboko kalteak ere nahiz eta aski ezaguna izan Eusko Jaurlaritzaren kutuna dela eta babesteko edozein gauza egiteko prest dagoela .

    Plan berriari aurre egin genionean ez ginen alferrik ari baina errealitateak gainditu egin gaitu. Orain enpresak berak eta Eusko Jaurlaritzak onartzen dute arazoak behin eta berriz agertzen direla.Hala ere  gu gara beraien jardueraren egunero alboko kalteak jasaten dituztenak eta irtenbideak ematea beraiei dagokiela. Irtenbideak diogunean ez dugu baztertzen desegitea bera. Horrelako instalazioak , coke plantza bezalakoak, ez dira egokiak herriaren barruan gaizki kokatuta dagoen birfindegi batentzat, halaber, gehitu behar da  etorkizuna ez dela  horrela izango horretan behin eta berriz  tematu arren , eta etorkizuneko behar energetikoen kontra eta Eusko Jaurlaritzak berak proposatutako estrategiaren aurka doala . Badaude osasungarriagoak diren aukerak, ekonomikoki errentagarriagoak energia berriztagarriak erabiliz.

    LARUNBAT HONETAN, ABUZTUAREN 26AN HONDARTZAKO PASEO BERRIAN, EGUERDIKO 12ETAN , BILDUKO GARA ETA HONDARTZA ZEHARKATUKO DUGU BIZI GAREN  EGOERA  ETA ALDI BEREAN INSTITUZIOETATIK LAGUNTZA EZA ETA ERANTZUN FALTA SALATZEKO. 

    GURE OSASUNA ETA ZIURTASUNA JOKOAN DAUDE. INTZIDENTE BAKOITZARI ERANTZUNA.

    MEATZALDEA BIZIRIK EKOLOGISTA TALDEA.