Albistea

• Bandera horia kutsaduragatik Ondarretan, Tenisen

  2018-08-14
  Partekatu - Compartelo

  
  

  Sorosleek bandera horia altxa dute gaur Ondarretan, Tenis aldean, atzo hartutako ur-laginean kutsadura fekala atzeman ondoren.

  Beraz, uraren kalitatea “nahikoa” baino ez da, eta gomendatzen da bainualdia gehienez ere hamar bat minutukoa izatea eta ondoren dutxa on bat hartzea. Osasunaren kaltetan izan daiteke, bestela.

  Nautiko aldean ere uraren kalitatea “nahikoa” baino ez da, baina oraingoan bainuak libre izaten jarraitzen du.

  Gaurkoan, udal webguneak txintxo-txintxo eman du egoeraren berri. Kontuan izan uztailean, Loretopean bandera gorria ipini behar izan zutenean, webguneak jarraitu zuela hiru egunez aurreko asteko egoera “bikaina”ren berri ematen. Gainerakoan, lehengo lepotik burua: kutsaduragatiko bandera horia ez da bereizten itsas zakarragatiko bandera horitik, eta bozgorailuetatik-eta erabiltzaileei ez zaie inolako informaziorik ematen. Are gehiago, Gurutze Gorriaren dorrepean dagoen arbelan, beste inoiz bandera horiaren arrazoia idatzita ikusi dugu. Gaur, berriz, hori ere ez. Garbi dago badagoela Udalaren partetik alor honetan herritarrekiko komunikazioa hobetzeko margen handia.

  Bestalde, Udalak jarraitu beharko du bilatzen kutsadura puntual hauek nondik datozen.

  EGUZKI

  
  

  Partekatu - Compartelo