Oreretan, gehiengo osoaren babesa izan zuen mozioak, EH Bildu eta Errenteria Irabaziz taldeen aldeko bozkei esker. EAJ-PNVk aurka bozkatu zuen eta PSOE abstenitu egin zen. Oiartzunen ere gehiengo osoa lortu zuen, EH Bilduk alde bozkatuz eta EAJ-PNVk aurka.

Naturkonek mozio bera aurkezten jarraituko du beste udalerri batzuetan, eta era berean, gai honekin lotura zuzena duen baso politika berri baten beharra azpimarratzeko hitzaldiak ematen ari da. Gure inguruan, datozen egunotan Oreretan eta Donostian hitzaldi bana antolatuta daude. Datak zehaztean, jakinaraziko ditu.