Albistea

• Erraustegia inposatzen digutenek klima-aldaketaz “kontzientziatu” nahi gaituzte

  2019-02-26
  Partekatu - Compartelo

  
  

  Datorren astean, martxoaren 6 eta 8 bitartean, “Change the Change” nazioarteko konferentzia egingo da Donostian. Antolatzaileek diote, konferentzia horren bidez, klima-aldaketaren ondorio larriez “kontientziatu” nahi gaituztela. Alabaina, “kontzientziatu” nahi gaituzten hauek erraustegia bultzatzen ari diren berberak dira. Hau da, martxan hasten bada, Gipuzkoan berotegi-efektuko gas gehien sortuko duten iturrietako bat, iturri nagusia ez bada, behintzat. Gauzak horrela, Erraustegiaren kontrako Mugimenduak “Change the Change” konferentzia propaganda hutsa dela salatu du prentsaurrekoan gaur goizean, eta datorren asterako bi elkarretaratze-deialdi egin ditu: asteartean, Udaletxe aurrean, Alderdi Ederren, eta asteazkenean, berriz, Kursaal aurrean, bi kasuetan 19:00etan. Horra hor bi aukera berri berresteko ez digula axola haiek munduko tiporik listoenak direla sinestea, baina ez gaudela prest gainerako guztiok ergel hutsak bagina bezala trata gaitzaten. Ez protesta egin gabe, behintzat.

  

  Gaurko prentsaurrekoa, Donostiako Udaletxean.

  Ea nortzuk diren antolatzaileak? Bada, honako argazki fribolo honetan, izozki-gurditxo baten ondoan, agertzen direnak: ezker-eskuin, Ernesto Gasco zinegotzia, José Ignacio Asensio diputatua eta Iñaki Arriola kontseilaria.

  

  Gaurko prentsaurrekoari buruzko informazioa:

  http://erraustuez.org/eu/2019/02/26/errausketak-klima-ere-hondatzen-du/

  
  

  Partekatu - Compartelo