Albistea

• PATXIKU GUNE NATURALAREN ALDE

  2019-05-16
  Partekatu - Compartelo

  
  

  

  70eko-80ko hamarkadetan hasitako hirigintza-politika desarrollistak dentsitate handiko hiri-inguruneak eta lurzoru ia osoaren artifizializazioa ekarri zituen berekin. Hormigoiak lurzoru berde naturala ordezkatu zuen, eta zaildu egin zuen gure ingurumenarekin harreman atseginagoa eta arrazionalagoa izatea.

  Gaur egun, Oreretako erdigunea hormigoizko hiri-continuuma da, ez du berdegunerik bizilagunek diotenez desagertzeko zorian dagoen Patxiku kanpa (Txirrita parkea) salbu.

  Oarsoaldeako Eguzki taldekook ulertzen dugu eremu horretan eraikitzeak ez diola inolako mesederik egiten ez ingurumenari ez bizilagunen bizi-kalitateari. Geroz eta gehiago, hiri-inguruneetan horrelako guneak izateko beharra defendatzen dute baimendutako ahotsek, ulertzen baitute ingurumenarentzat, hau da, guk lan egiten dugun arloarentzat ez ezik, besteak beste, osasunarentzat, kulturarentzat eta gizartearentzat ere onuragarriak direla.

  Horregatik, gure taldeak publikoki adierazi nahi du gune horretako bizilagunei babesa ematen diela eta eremu hori gune natural izaten jarraitzeko antola daitezkeen ekimenetan ahal duen neurrian laguntzeko prest dagoela.

  
  

  Partekatu - Compartelo