Albistea

  • Eguzki pozik agertu da Onraitan 82 metroko dorre bat altxatzeko legez kanpo emandako lizentzia baliogabetu dutelako

    2020-06-23
    Dorrea tente jarri zuten, baina handik pixka batera ezezagun batzuek saboteatu zuten.

    Dorrea tente jarri zuten, baina handik pixka batera ezezagun batzuek saboteatu zuten.

    Onraitan 82 metroko dorre meteorologiko bat altxatzeko iazko abenduan dekretuz eman zuen lizentzia baliogabetu behar izan du Arraia-Maeztuko alkateak (EAJ).

    Lizentzia baliogabetu behar izan du dorrea Entziako Kontserbazio Bereziko Eremuan zegoelako (Natura 2000 Sarea), eta, ondorioz,  lizentzia eman aurretik, Ingurumen Ebaluazioa egin behar zelako, Eguzkik salatu zuen bezalaxe (ikus: http://eguzki.org/es/2019/12/20/82-metroko-legez-kanpoko-dorrea-onraitan-ingurumen-ebaluaziorik-gabe-eremu-babestua-izan-arren/).

    Ez ginen salatzaile bakarrak izan. EH Bilduk helegitea aurkeztu zuen. Orain, Eusko Jaurlaritzako Ingurumen Sailak esan du Ingurumen Ebaluazioa bidean dagoela, baina onartu baino lehen ezin dela lizentziarik eman. Gauzak horrela, alkateari lizentzia baliogabetzea baino ez zaio geratu.

    Dorrea jarri, jarri zuten, baina apenas egon da martxan, ezezagun batzuek saboteatu baitzuten.

    Dorrea lurrean, desmontatuta.

    Dorrea lurrean, desmontatuta.

    Aixeindar da Iberdrolak eta Eusko Jaurlaritzak parke eolikoak eraikitzeko sortu duten kontsortzio berria. Lehenengoa Iturrietan nahi dute, eta Onraitako dorrea parke hori eraikitzeko hastapeneko lanetako bat da.

    Duela urte batzuk, Iturrietako proiektu horrek gaitzespen handia sortu zuen, eta, egia esan, berpiztu duten honetan, ezin zuten modu baldarragoan egin.