Albistea

• Berriz ere amianto abandonatua Barkaiztegiko bidean

  2020-11-30
  Partekatu - Compartelo

  
  

  Barkaiztegiko bidean, Martuteneko Lanbide Institutu zaharrean abandonatutako hondakinak Donostiako Udalak bildu zituenetik hilabete eta erdi baino ez da pasatu (1), eta dagoeneko baten batek hantxe utzi ditu bizpahiru zaku uralita. Uralita hondakin arriskutsu gisa sailkatuta dago, amiantoz osatuta dagoelako eta, beraz, kaltegarria izan daitekeelako, bai pertsonen osasunerako bai ingurumenerako.

  Gauzak horrela, zer esan? Batetik, espero dugula erantzuleak noizbait egiten ari diren kalteaz kontziente bihurtuko direla, edo, bestela, haientzako zigorgabetasuna behingoz bukatu dadila. Izan ere, Hondakin Legeak oso zigor gogorrak aurreikusten ditu. Bestetik, espero dugula oraingoan Udalak ez duela utziko legez kanpoko hondakin-deposito hori hazten; ez duela utziko hilabeteak eta hilabeteak pasatzen neurriak hartu aurretik.

  EGUZKI, 2020ko azaroa

   

  Barkaiztegiko bidean legez kanpo utzitako hondakinak bildu ditu Donostiako Udalak, bazen ordua! – Eguzki Talde Ekologista

  
  

  Partekatu - Compartelo