Albistea

• Urumean isurketa kutsakor berri bat salatu du Eguzkik

  2021-02-20
  Partekatu - Compartelo

  
  

  Gaur larunbatean oso isurketa ikusgarria izan da Urumean.

  Arratsaldeko lehen orduan, fuel edo bestelako hidrokarburo batek sortutako orban handi bat ikusi da Martutenen, eta 112ri abisua pasatu zaio.

  Arratsaldeko 6ak aldera, berriz, honako irudi hauek hartu ditugu Loiolan, koarteletako zubitik, eta berriz ere 112ra hots egin dugu. Irudiok nahiko adierazgarriak dira:

  https://youtu.be/LcSnafL_W8o

  Beste bat:

  Oraindik gehiegi dira ibaiak edoder irensten duela sinetsi nahi dutenak. Dena dela, harritzekoa ere ez da, alor honetan zigorgabetasuna ia erabatekoa dela kontuan izanik.

  IRUNEN ERE BAI

  Urumeako gaurko hau ez da aste honetako isurketa bakarra izan. Izan ere, ostegunean Eguzkik Irungo Gal ondoan gertatu eta argazkian agertzen den honako beste honen berri izan zuen:

  Aprobetxatu nahi dugu gogorazteko isurketa bat ikusten denean, eraginkorrena 112ra deitzea dela, protokoloak lehenbailehen martxan jar ditzaten. Gero, isurketa ikusi duenak nahi badu, Eguzkirekin harremanetan jar daiteke. Eguzkikook saiatuko gara isurketari ikusgarritasuna ematen (ingurumenaren aurkako arau-hauste eta delitu hauek bistaratu egin behar direla uste dugu) eta, ahal dugun neurrian, segimendua egiten. Baina, horretarako, ezinbestekoa da 112ra lehenbailehen deitzea.

  EGUZKI, 2021eko otsaila

  
  

  Partekatu - Compartelo