Sentitzen dugu baina informazioa erdaraz soilik dago
Monthly Archives: marzo 2014
2012ko MONTAÑAS EN RED EKINTZA
Hurrengo asteburuan (maiatzak 26 eta 27) Red de Montañas-en urteroko ekintza izango da. Ekintza honek edozein mendira joan eta mendien babesa oinarrizko mezutzat duen kartelarekin argazki bat egitean datza. Ondoren, argazkia Red de Montañas-en web orrialdean eskegi behar da, dagokion atalean. Informazio gehiago: http://www.redmontanas.org/montanas-en-red
Josu Cerratu, agur eta ohore !!
Josu Eguzkiren sorreran parte hartu zutenetako bat izan zela nabarmendu nahi dugu. Josu Cerrato erandiotarra hil da, gaixotasun larri bat luze pairatu ondoren.
Beharbada komeni da gogoratzea gure elkarteak lau mugimendu izan zituela abiaburu: antinuklearra, ekologista-naturzalea, NATOren kontrakoa eta auzo elkarteena. Bada, azken mugimendu horren erreferente izan zen Josu, Eguzki sortu berri hartan. Izan ere, ekologia edo ekologismo hitzak aipatu ere egiten ez ziren garaietan, auzo elkarteak izan ziren ingurugiroaren defentsan aitzindari. Horren adibiderik biribilena “Erandioko gertaerak” izan ziren. 1969an, erandiotarrak kalera atera ziren herria itotzen ari zen kutsaduraren kontra. Erregimenak ausardia odolez pagarazi nahi izan zien eta urte hartako urriaren 26an Poliziak tiroz hil zituen bi herritar, Josu Murueta eta Anton Fernandez. Artean gaztetxo bat baino ez zen arren, Josu Cerratok hura guztia gertutik ezagutu eta ondorengo urteetan ere lehen lerroan jarraitu zuen kutsaduraren kontrako borrokan. Hura izan zen Eguzkira ekarri zuen ondarea, nolabait esateko, euskal ekologismo avant la lettre-ren edo euskal ekologismoaren historiaurrearen ondarea. 1994an, gertaeren 25. urtemugaren aitzakian, haiei buruzko liburu bat ere idatzi zuen, Eguzkik espresuki eskatuta.
Esan gabe doa urte haietan Josu edozein kutsadura motaren kontrako gure ekimenen animatzailerik handienetako bat izan zela.
Bada, Josu hil den honetan, egokia iruditzen zaigu aitortzea ingurugiro alorrean egin duen lana. Gutako bat ere bazen. Doluminik zintzoenak etxekoei.
Eguzkik Talde Ekologistaren izenean, bihotz bihotzetik eskerrik asko!
El 5º contenedor en Donostia no alcanzara el objetivo que anuncian sus propulsores
Sentitzen dugu, berri hau soilik gaztelaniaz dago.