albisteak
-
Abiadura Handiko Trenaren aurkako eta Tren Publiko eta Sozialaren aldeko mobiliazio berriak
[2024-01-18]Larunbatean, hilak 20, Abiadura Handiko Trenaren aurkako martxa berri bat egingo da Iruñean, AHT Gelditu Nafarroak antolatuta. Hitzordua 12etan, Diputazioaren aurrean. Bestalde, aste honetan bertan jakin dugu Nafarroa Trenaren Alde, Araba Trenaren Alde eta Goierriko AHTrik Ez plataformek AHTren aurkako eta Tren Publiko eta Sozialaren aldeko dinamika bat abiatu dutela. Bihar bertan hasiko da, Lautadako, Sakanako eta Goierriko hainbat herritan elkarretaratzerekin, eta apirilaren 20an bukatuko da Altsasun, manifestazio batekin.
-
Vitoria Solar 1 eta 2 makroplantak baimendu ditu Jaurlaritzak, berak proposatu duen Energia Berriztagarrien Planaren arabera legez kanpokoak liratekeen arren
[2024-01-18]Vitoria Solar 1 eta 2 parke fotovoltaikoen proiektuei aurreneko administrazio-baimenak eman dizkio Jaurlaritzaren Industria sailak. Proiektu horien bitartez, 90.048 eta 90.074 eguzki-panel ezarri nahi dituzte Gasteizen, Burgelun eta Arratzua-Ubarrundian. Guztira, 49,9 eta 49,99 megawatteko potentzia. Kontua da panel horiek guztiak nekazaritza-lursail emankorretan ezarri nahi dituztela. Eta hori, gaur egun Jaurlaritzaren beraren ekimenez izapidetzen ari den Energia Berriztagarrien Plan Sektoriala onartuta balego, legez kanpokoa litzateke. Hau da, Jaurlaritzak Solar 1 eta 2 bezalako kasuetan jokatzeko modu bat proposatzen du, baina, bitartean, guztiz kontrakoa egiten du.
-
Pelletak, atzamarra eta Ilargia
[2024-01-11]Toconaoko pellet gehienak gurera iritsiko dira seguru asko Bizkaiko golkoan dagoen plastiko-zoparen parte gisa. Eta hemen berriz ere atzamarraren eta Ilargiaren metafora erabiliko dugu. Izan ere, gure kasuan, pelleten atzamarrak seinalatzen duen Ilargia plastikoen arazoa da, eta gaizki egingo genuke Ilargiari begiratu ordez, atzamarrari begira geratuko bagina.
-
Dulantzikoa bakarrik ez, Araban itxita dauden beste tren-geltokiak ere irekitzeko eskatu du Eguzkik
[2024-01-08]Dulantziko tren-geltokia aurten irekiko duela iragarri du ADIFek, ate automatizatuak jarrita. Hamar urte egin ditu itxita, eta, nahiz eta berokuntza-sistema piztuta egoten den eta aldian behin garbiketa egiten den, itxita dago. Erabiltzaileek trena kanpoan itxoin behar izaten dute, eguraldia edozein dela ere. Eguzkikooi ondo iruditzen zaigu Dulantziko geltokia irekitzea, noski, baina hauxe bera gertatzen da Araia eta Langraizkoetan ere. Logikoena guztiak irekitzea izango litzateke eta, irekitze hutsetik harago, potentziatzea, herritarrei tren-zerbitzu hobea emateko. Azken batean, behar dugun garraio publiko kalitatekoa sustatzeko.
-
San Sebastian bezperako afarietan angularik ez jateko eskatu du Eguzkik
[2024-01-08]Aingira, espezie gisa, oso-oso egoera larrian dagoela eta (*), San Sebastian bezperako afarietako menuetan angularik ez jartzeko eskatu die Eguzkik donostiarrei eta, bereziki, soziedadeei. Alegia, eskatu die joateko Pedro Subijana, Andoni Luis Aduriz edota Juan Mari Arzak dagoeneko abiatu diren bidetik. Izan ere, sukaldari ezagun horiek, Relais & Chateaux eta Eurotoques nazioarteko elkarteen propoesamena ontzat joz, beraien kartetatik erretiratu dituzte aingirak eta angulak osagai dituzten platerak.
-
Jaizkibel-Capbreton itsas eremua babesteko erabakia ospatu du Eguzkik
[2024-01-02]Eguzki pozik da Gobernu zentralak Europako Batzordeari “Jaizkibel-Capbreton itsas eremua” babesteko proposamena egin diolako. 1.500 km²-ko eremua da, kostatik –Igeldoko itsaslabarretatik Higer lurmuturreraino– itsasorantz zabaltzen dena, 2.000 metroko sakonera duen Capbretongo hobiraino. Zehatz-mehatz, Gobernuak Europari eskatu dio eremu hori Batasuneko Garrantzizko Leku izendatzeko eta Natura 2000 Sarean sartzeko. Ulia eta Jaizkibel aurreko uretan dagoen biodibertsitate pelagikoa babesteko proposamena 2010ean abiatu zen, Oceana nazioarteko fundazioak eta Euskadiko Biologoen Elkargo Ofizialak elkarrekin egin zuten txosten zientifiko bat oinarri hartuta. Hainbat taldek, tartean Eguzkik, proposamena berehala geure egin genuen eta urte hauetan guztietan itsas erreserba errebindikatu dugu.
-
Donostiko SOS Manteo herri-erreferendumaren emaitza
[2023-12-31]Partehartze izugarria lortu dugu, espero genuena aise gainditu duena (ia 7000 pertsona asteburu bakar batean!) eta gainera, bigarren Basque Culinary Center baten aurrean Manteo-Zemoria parkea babesteari BAI borobila eman diogu denon artean.
-
Garraio publikoaren garestitzeari ez!
[2023-12-31]Joan den astean jakin genuen Lakuako Gobernuak eta Bizkaiako Foru Aldundiak ez dituztela Barik diruzorroarentzako dirulaguntzak luzatuko, beraz, garraio publikoa garestituz.
Neurri honek langile klasearentzako zama gehigarri bat suposatuko duela, urtarrileko aldapan, gainera.
Gainera neurri hau trantsizio ekologikoaren aurka doa, garraio publikoaren erabilera murriztuko duelako… -
Dubaiko COP28: gailurrak ez dira bidea
[2023-12-30]Klimaren Goi Bilera berriak, eta dagoeneko 28 izan dira, beste behin ere etsipen eta engainu hondarrak utzi dizkigu. Ahots asko izan dira Klima Aldaketari aurre egiteko anbiziorik eza agerian utzi dutenak. Askok nabarmendu dute erregai fosilen ustiapenarekin aberasten direnen eta berauek murrizteko edo desagertzeko bultzadaren arteko bateraezintasuna.