albisteak
-
Fiskaltzak Errenteria Osasuna (EO) osatzen duten taldeen salaketa onartu du eta eginbideak ireki ditu
[2024-10-06]EOko taldeek (Gabierrota, Olibet-Etxe Berriak eta Erdialdea Auzo Elkarteak eta Eguzki kolektiboa) denbora asko daramate Papresa enpresaren inguruan bizi diren pertsonen eta ingurumenaren baldintzak hobetzeko beharrezko neurriak har daitezela aldarrikatzen. Eusko Jaurlaritzak Ingurumen Baimen Integratua izapidetu eta eman du kutsatzailea izan daitekeen enpresa horren jarduerarako, eta izapidetze horretan aipatutako taldeek banaka parte hartu dute, izapidetzearen faseen arabera, hasieran alegazioekin eta amaieran gora jotzeko errekurtsoekin.
-
Hondakin Legeaz baliatuta, zabor-tasa %80 baino gehiago garestitzeko asmoa du Gasteizko Udalak, baina garbi dago interesatzen zaion Legearen partea baino ez duela betetzeko asmorik
[2024-10-04]Zabor-tasa %80tik gora garestituko duela iragarri du Gasteizko udal-gobernuak. Alegia, astindu galanta herritarron poltsikoari, edonondik begiratuta ere. Igoera Hondakin Legeak behartuta dagoela argudiatu du, eta, beraz, Gasteizek ez ezik gainerako herriek ere onartu beharko dutela. Eta egia da, baina egiaren erdia bakarrik. Egiaren beste erdia, berriz, udal-gobernuak esan ez dituenetan datza. Eta, dakigun bezala, erdizka esandako egiakā¦ ez dira benetako egiak. Zer da, bada, udal-gobernuak esan ez duena? Bada, ez du esan zabor-tasa igotzeko agintzen duen Hondakin Lege horrexek berak, 2025erako, gutxienez hiri-hondakinen %55 gaika biltzeko ere agintzen duela. Eta gaur egun zenbat biltzen du Gasteizek gaika? %39 baino gutxiago.
-
Gipuzkoako lau parke naturalak kontserbatzeko kudeaketa-plana gauzatu beharra dago
[2024-10-04]Atzo Naturkoneko ordezkari batzuek bilera bat egin zuten Aldundiarekin. Bilera aurretik, Gipuzkoako lau Parke Naturaleko Patronatuetako Naturkonen ordezkariek idazki bat aurkeztu zuten erregistroan informazioa eskatuz. Naturkonen iritzian, funtsezkoa da lau parkeen estrategia bateratua eramatea.
-
Donostiako udal-gobernuak zabor-tasa %26,5 igo nahi du, Hondakin Legearen aitzakian, baina Lege horrexek ezarritako birziklatze-helburua urratzen du
[2024-10-03]Zabor-tasa %26,5 igoko duela iragarri du Donostiako Udalak. Igoera Hondakin Legeak behartuta dagoela argudiatu du. Izan ere, Legeak agintzen du hemendik aurrera hiri-hondakinen kudeaketa oso-osorik tasen bidez finantzatu behar dela, eta ezingo duela defizitarioa izan, orain arte bezala. Bai, baina Lege horrexek berak, 2025erako, gutxienez hiri-hondakinen %55 gaika biltzeko ere agintzen du. Eta gaur egun zenbat biltzen du Donostiak gaika? %41,33 baino ez; izan ere, Donostia da Gipuzkoan gutxien birziklatzen duen herria, alde handiarekin, gainera. Hau iruzurra da, Legeari eta, jakina, ingurumenari.
-
Aulesti eta Markina arteko Lekoitz harrobiko isurketek jarraitzen dute
[2024-10-02]Zoritxarrez, ohikoegia da harrobien gaia ingurumen-delituen gaiarekin lotuta ikustea.
Oraingoan, EGUZKI talde ekologistatik beste behin salatu nahi ditugu AMENABAR taldeko Marnemarreko Aulesti eta Markina artean Lekoitz harrobian maiz gertatzen diren isurketak.
Azken isurketa irailaren 13an gertatu zen. -
Lortu dugu! S.O.S. KURKUDI Leioan
[2024-09-25]Lortu dugu!
Bihar osteguna, hilaren 26an, Leioako Udalak amore emango du auzian, atzera egin beharko du 2023ko erabakian eta Sos Kurkudi Plataformaren tesiak onartu beharko ditu:
Ez da Makrogimnasiorik egongo, eta lurzorua berriz ere urbanizaezina izango da eta bere balio natural eta paisajistikoagatik babestua izango da.
Emaitza honekin zoriontsu sentitzen gara eta zuekin partekatu nahi dugu.
Gure eskerrik beroenak ere bidaltzen dizkizuegu 5 urteko borroka honetan behar besteko adorea eta irmotasuna mantentzen lagundu diguzuelako.
Eskerrik asko!!
Adi biharko Udalbatzari!! -
HEGAZTIEN TALKAK SAIHESTEKO IRTENBIDE ONA! METRO BILBAO
[2024-09-24]Eguzkik Metro Bilbao zoriondu du, Ansioko geltokiko beirateen kontra hegaztien talkak saihesteko neurriak hartzeagatik.
-
Natura Leheneratzeko Araudiaren inguruko ekimena
[2024-09-12]Natura Leheneratzeko Legearen onarpena dela eta, Baso Biziak, Egurra eta Kandela baserritar ekintza, Denon Berdeguneak, Ekologistak Martxan eta Eguzki harremanetan egon gara, eta harreman horien ondorio da hemen aurkituko duzuen dokumentua, non Jaurlaritzari zuzendutako hainbat eskaera biltzen diren. Dokumentuarekiko atxikimendua emateko epe bat ireki da, printzipioz, irailaren 23ra arte.
-
Errausketaren aurkako giza katea, igandean, Kontxan
[2024-09-04]Errausketaren Aurkako Mugimendua aurten ere mobilizatuko da Donostiako estropaden egunean. Donostiako eta, oro har, Gipuzkoako jendearentzako egun handia den horretan giza kate batekin azalduko dugu gure protesta Zubietako erraustegiaren kontra eta salatzeko bereziki Donostiako Udala egiten ari den hondakin kudeaketa negargarria. Beraz, hitzordua igandean da, 11:00etan, Alderdi Ederren.