Energiak
-
Eguzkik ohartarazi du Oriako Itxian gero eta legez kanpoko hondakin gehiago pilatzen ari direla eta bigarren “fronte” bat ere osatu dela
2022-03-302020ko abuztuan, Oriako Itxian legez kanpo eginiko hainbat hondakin-depositoren berri eman zion Eguzkik Donostiako Udalari. Bada, Udalak ezer egin gabe denbora pasatzen utzi duenez, gero eta hondakin gehiago pilatzen dira, irudiotan ikus daitekeen bezala. Gainera, bideoan islatzen den hondakin-pilaketatik gertu bada “bigarren fronte” bat, nolabait esateko. Iazko abuztuan, “fronte berri” hau Udalaren aurrean salatu genuenean, hasi berria zen, baina gaur egun “lehen frontea” bezain handia da.
-
Papresari buruzko berri etsigarria
2022-03-23Aurtengo otsailaren 16an, hedabideren batean irakur genezakeen Udalak eta Papresak konpromiso zehatzak hartu dituztela, zarata eta kamioien trafikoa berehala hobetuko dutenak. Berriak gaineratzen zuenez, enpresak 50 milioi euroko inbertsioa egin behar du, eta iaztik lan-mahai bat jarri da martxan bi aldeen artean, kamioi astunen zaratari, usainari eta trafikoari lotutako eraginak hobetzeko. Eta 3 neurri aipatzen zituen (ez dakigu gehiago dagoen), Askatasunaren Martirietan ate automatiko bat, Matxaingo biribilguneraino kamioiak pasatzea mugatzea eta kamioiak barruan ez ibiltzea eta motorra martxan ez izatea 22:00etatik 07:00etara bitarteko ordutegian.
-
Elgoibarko Udalari 1988tik Deba ibaira eroritako kamioi bat kentzeko eskatu dugu
2022-03-16Eguzki Ekologista taldeak 1988tik Deba ibaian dagoen kamioi bat salatu nahi du, Elgoibarko udalerrian. Ibilgailua Ibaitarte poligonoko ibai zatian dago. 1988ko uholdeek ibaira bota zuten kamioia eta gaur egun oraindik bertan dirau.
Eguzkitik gogorarazi nahi dugu udalek legez betebeharra dutela hiri-hondakin solidoak ubidetik eta ibaiaren ertzetatik kentzeko, udalerritik igarotzen direnean, ondoren kudea daitezen. -
Eguzkik eskatu die Azkoitiko, Azpeitiko eta Zestoako udalei Foru Aldundiaren laguntzak aprobetxatzeko eta zabor tonak Urola ibaitik kentzeko
2022-03-06Otsailaren 22an, udalei jakinarazi genien joan den otsailaren 14az geroztik, Gipuzkoako Foru Aldundiak Gipuzkoako Aldizkari Ofizialean argitaratu zuela udalei eta mankomunitateei zuzendutako diru-laguntzen lerro bat, ibaietan, kostaldean eta lehorrean zabor sakabanatuen pilaketa prebenitzen eta zuzentzen lagunduko duten jarduerak gauzatzeko (honekin bigarren urtea da).
-
Ballonti ibaiak garbitu gabe jarraitzen du
2022-03-02Trapagako Udalean publikoki salatu eta duela ia bi urte URA enpresari jakinarazi ondoren: “Galindo auzoaren parean ibaiaren ibilgua tamalgarria da, zati hori zabortegi inprobisatua bihurtu da, pneumatikoak, olanak, pvc-hodiak eta plastikoak dituena”, eta Galindo auzoan ibaiaren ibilguan paseatu ondoren, Eguzkik hau bera egiaztatu eta salatu du.
-
Eguzkik Getaria eta Zarautz arteko oinezkoentzako pasealekuan baranden azpian hondakinen kontrako babes-neurriak jartzeko eskatu die udalei
2022-02-22Eguzkik Getariako eta Zarauzko udalei eskatu die pasealekuko barandak aprobetxatzeko, behealdean hesi gisa balioko duten saretak jartzeko eta hondakinak itsas sisteman buka ez daitezen, besteak beste, tabako-paketeak, hura biltzen duten plastikoak, zigarrokinak, musukoak, paperezko ezpainzapiak, plastikozko poltsak, plastikozko botilak, azukre, karamelu eta snack-bilgarriak, eta abar.
-
Zaldibarren, bi urte geroago
2022-02-06Ehunka lagun ibili gara gaur eguerdian Ermuko plazatik Zaldibar auzoko Eitzagara, Verter Recycling zabortegia bertan behera erori zeneko bigarren urteurrernean. Martxak, batetik, Joaquin Beltran eta Alberto Sololuze langileak oroitzea eta, bestetik, erantzukizunak eskatzea zuen helburu.
-
Donibanen ospatzeko arrazoiak ukatzen dizkigute
2022-01-27Duela gutxi 27 urte bete dira 11/1995 Errege Lege Dekretua onartu zenetik, hondakin-uren tratamenduari buruzko 91/271/EEE Zuzentaraua Estatuko ordenamendu juridikora ekarri zuena. Uren kutsaduraren aurkako borrokan mugarri izan da, baina, zoritxarrez, Donibaneri ospakizun horretan parte hartzeko arrazoiak ukatzen zaizkio.
-
Oria ibai-ertzean saretak jartzeko eskatu dio Eguzkik Tolosako Udalari
2022-01-26Oria ibai-ertzean dauden barandak aprobetxatzeko eta beheko partean saretak jartzeko eskatu dio Eguzkik Tolosako Udalari. Sareta hauek (txapa garbanizatu zulatua) hainbat hondakin uretara erortzea eragotziko lukete, besteak beste, tabako-paketeak, tabakoa biltzen duten plastikoak, zigarrokinak, musukoak, paperezko ahozapiak, plastikozko poltsak, plastikozko eta beirazko botilak, azukre eta snack bilgarriak, etab. Sam, Euskaldun berria, Berazubi eta Napar zubiak barne. Horrelako saretak dagoeneko hainbat herritan jarri dituzte.
-
Eguzkitik salatu nahi dugu Artibaiko itsasadarrean dragatutako lohiak portuan isuri direla
2022-01-26Eguzki talde ekologista garen aldetik, Ondarroako portuan hondarra eta lohiak ateratzen ari diren dragak egiten ari diren isurketak salatu nahi ditugu.
Egun argiz gertatu denez, pertsona asko izan dira lekuko. Beraz, hainbat kexa izan ditugu gai honen inguruan.
Ez dakigu dragak zenbat aldiz isuri dituen lohi horiek portuan, baina gutxienez bi aldiz ikusi dira larunbat eguerdian bertan. -
Legez kanpoko obra-hondakinen isuria Jaitzubian
2022-01-24Irungo udalerrian, zehazki Jaitzubian, Eguzkik salatu du legez kanpoko hondakindegi bat dagoela.
Zoritxarrez, arau-hauste horiek maizegi gertatzen dira, eta ez da lehen aldia praktika txar horiek salatzen direna zonalde honetako beste toki batzuetan. Espezie autoktonoak (haritzak, haltzak, sahatsak) eta erriberako landaredia duen padura (lezkak, ihitokiak, ezpata-belarrak, kanaberadiak) biltzen dituen gune aberatsa da Jaitzubia.
-
Urolara uralita bota izana salatu du Eguzkik Fiskaltzan, ingurumenaren aurkako delituagatik
2022-01-20Abenduan 22an, Zetoan, Urola ibaiaren babes-eremuan botatako hainbat uralita-hondakinen berri izan zuen Eguzkik. Uralitaren salerosketa 2002tik debekatuta dago, amiantoa duelako. Amiantoa arriskutsua da, bai pertosnen bai ingurmenaren osasunerako. URA agentzia zein Udala jakinaren gainean ipini genituen, baina uralitak hor jarraitzen du eta aipatutako bi erakundeen aldetik ez dugu inolako jakinarazpenik jaso. Gauzak horrela, egoera Gipuzkoako Ingurumen Fiskaltzan salatu dugu.
-
Eguzkik Zumaia-Getaria oinezkoen pasealekuaren proiektuaren idazketan saretak kontuan hartzeko eskatu du
2022-01-09Iazko azaroaren amaieran prentsaren bidez jakin genuen 2022rako Estatuko Aurrekontuei egindako zuzenketen bidez 150.000 euroko partida esleitu zela Zumaia-Getaria lotzeko oinezkoentzako pasealekuaren proiektua idazteko (bi udalerriek luzaroan eskatutako proiektua). Proiektua idazteko baldintzetan, barandaren beheko aldean saretak jartzeko eskatu du Eguzkik, hondakinak itsasora eror daitezen zailtzeko.
-
Urumeako urpeko zabortegia ez da konpetentzia-kontua, inkonpetentzia-kontua baizik
2022-01-05Eguzkik Urumean salatu duen urpeko zabortegiak agerian utzi du instituzioen arduragabekeria errioarekiko. Irudiak hain dira argiak (eta Donostiako erdialdean bertan) ezen instituzioak erreakzionatu beharrean aurkitu diren, eta erreakzionatu dute baloiak kanpora botatzen edo, hobeto esan, patata beroa elkarri pasatzen. Eguzki ez da eskumen-eztabaida horretan sartuko. Izan ere, Urumeako urpeko zabortegia ez da konpetentzia-kontua, inkonpententzia-kontua baizik. Urumean pilatutako hondakinak lehenbailehen atera egin behar dira, batetik, eta, bestetik, zaintza eta bestelako neurriak zorroztu egin behar dira hainbat herritarren praktika txarrak eragozteko. Eta bide horretan herri-erakundeen arteko lankidetza ezinbestekoa da.
-
Lezoko Udalak konpromisoak bete ditzala eskatu du Eguzkik
2022-01-04Lezoko saneamenduaren egoerari buruzko gure kezka aurretik dator, 2020ko ekainaren 5ean honen inguruan idatzi-galderari eman genion sarrera, eta erantzuna urte bereko azaroko 16an jaso genuen. Beste gauza batzuen artean, igerilekuetako ur zikinak kolektorera bideratzeko 2021eko aurrekontuetan lan horiek egiteko partida onartuko dela jakinarazten ziguten bidalitako erantzunean.