Europako Batzordeak “Jaizkibel-Capbreton Itsas Eremua” babesteko erabakia hartu du, Natura 2000 Sarearen barruan Garrantzi Komunitarioko Leku (GKL) gisa. Jaizkibel-Capbreton 1.500 km²-ko itsas eremua da, eta Igeldoko itsaslabarretatik Higer lurmuturreraino itsaso zabalera hedatzen da, 2.000 metroko sakoneran dagoen Capbreton urpeko fosaraino. Ulia eta Jaizkibelekin mugakide diren uretako biodibertsitate pelagikoaren balioen babesa 2010ean sortu zen, Oceana itsas kontserbaziorako nazioarteko fundazioaren eta Euskadiko Biologoen Elkargo Ofizialaren (COBE) baterako ekimen zientifikoaren ondoren. Eguzkik eta beste erakunde batzuek hasieratik babestu dugu, eta urte hauetan guztietan aldarrikatu dugu, Urte asko zain egon garen erabaki garrantsitzu hau txalotu nahi dugu, Urrats garrantzitsu bat eman da baina babesguneak dituen funtzioak bete ahal izateko eremua arautzen duten dokumentuak ahalik eta azkarren onartzea ezinbestekoa da.

Eguzkik zuhaitz landaketa herrikoiak egin ditu Andoainen eta Larrabetzun asteburu honetan. Andoaingoa herri lurretan, Leitzarango bailarako Muntton Andoaingo Mendiak izeneko Mendi Babeslean; Larrabetzukoa berriz lursail pribatuan, bi helburu nagusirekin:
– Basoen garrantziaz kontzientzia hartzea, egoera onean  egoteak gizarteari ematen dizkion onura ugariaz jabetu gaitezen.
– Bizkaia eta Gipuzkoako Aldundiei baso kudeaketan aldaketak aldarrikatzea, bertako basoa eta bioaniztasuna naiz kontserbazioa lehenetsiz, bereziki herri lurretan.

Datorren astean makrozentral ekoliekoei buruzko bi ekitaldi informatibo egingo dira Donostian. Asteartean, hilak 25, 19:15ean, “Vidas irrenovables” dokumentala proiektatuko da Trueba aretoan. Ondoren, filmaren zuzendari Francisco J. Vaquerorekin solasaldi batean parte hartzeko aukera egongo da. Sarrera doan. Ostegunean, hilak 27, 19:00etan, Urumeako Mendiak Bizirik herri ekimenaren aurkezpena egingo da Okendo Kultur Etxean. Ekimeneko kideek informatuko emango dute Repsolek eta Endesak Urumeako mendietan bultzatzen dituzten makroproiektu eolikoen berri. Repsolek sustatzen duen egitasmoa egun Euskal Herrian planteatzen den mota horretako azpiegiturarik handiena da.

Eguzkik zuhaitz landaketa herrikoia antolatu du otsailaren 22an.  Landaketa Leitzarango bailaran dagoen Muntton magalean egingo dugu, Andoaingo Mendiak izeneko herri lurretan, iazko lur sailaren ondoan.

Landaketak bi helburu nagusi ditu:

Basoen garrantziaz kontzientzia hartzea, egoera onean egoteak gizarteari ematen dizkion onura ugariaz jabetu gaitezen.
Orain arte herri lurrak kudeatzeko eran aldaketak aldarrikatzea.

Euskal Herrian Ekologian dagoen aditurik handienetakoa, Leitzaran bailarak dituen balio eta gaitasunez arituko da baita hauek mantetzeko edo/eta berreskuratzeko ugaritzen ari diren arriskuaz ere. Zuhaitz landaketa herrikoia ere egitekoak gara otsailaren 22an.

Brikolajearekin lotutako kate baten merkataritza-gune berri bat eraikitzeko lanak hasi dira Errekaldeko industrialdean, Lasarte-Oria eta Donostiaren arteko mugan. “Non, baina? Han ez dago lekurik eta”. Hain justu, lekurik ez dagoelako, lekua egiten hasi dira Coca Cola zena eta Funeraria Vascongadaren atzeko partean, Bigarren Ingurabidetik jaisten den mendi-hegalean. Proiektu honen lehenengo biktima mendi-hegal horreta hazten den baso mistoa izaten ari da. Eta okerrena iristeko dago.

Behin eta berriz salatu dugun bezala, gaur egun energia berriztagarriak biltzeko eta elektrizitatea bihurtzeko proiektuek izaera espekulatiboa dute. Modu opakuan garatzen ari dira, inolako plangintza demokratiko eta ekologikorik gabe. Enpresen onura esklusiboa baino ez da saritzen, herritarren beharren eta ingurumen-babesaren gainetik.

Joan den igandean, otsailaren 2an, Hezeguneen Nazioarteko Eguna “ospatu” genuen. Zorionez, Ondarroan badugu bat, Aieriko padurak deitzen duguna, eta, zoritxarrez, Euskal Herriko kostaldeko hezegune degradatuenetako bat da.
Ekologista garen aldetik, ez dugu nazioarteko egun bat behar Aieriz gogoratzeko, baina, tira, aprobetxatuko dugu aukera erreibindikatzeko, ez hainbeste Aieri gaur egun zer den, baizik eta zer izan zen eta batez ere epe laburrean zer izan daitekeen.
Oraingoan ez dugu nabarmenduko Aierik landare, anfibio edo hegaztietan duen aberastasuna, ezta Europa mailako Babes Bereziko Eremu bat dela edota bisoi europarraren biziraupenean duen garrantzia ere…

Milaka lagun –18.000, antolatzaileek egin zuten zenbaketaren arabera– manifestatu ginen Iruñean Aroztegiko zazpi auzipetuentzat absoluzioa eta Baztan mehatxatzen duen proiektu urbanistiko/turistiko espekulatzaile hori bertan berhera gera dadila eskatzeko. Manifestazioan behin eta berriz entzun ahal izan zen bezala, “ez dira zazpi, herri bat gara”. Honako esteka hauetan aurkituko dituzue hainbat kronika, argazki eta bideo.

Eskerrik asko gaur, otsailak 2, Hezeguneen Nazioarteko Eguna ospatzeko eta Txingudiko Parkeko San Lorentzo aintzirarekin gertatzen ari dena salatzeko Eguzki talde ekologistarekin elkartu zareten guztioi. Plaiaundin ibilaldi gidatu bat egin dugu. Bertan, biodibertsitatearen garrantziaz hitz egiteaz gain, Natura 2000 Sarearen parte den parke paregabe hau kontserbatzeko administrazioen utzikeria salatu nahi izan dugu. Esaterako, San Lorentzoko aintzira handitzea “premiazko lehentasunetako” bat izan zen Eusko Jaurlaritzak 2014an Txingudiri buruz egin zuen diagnostikoan. Baina 10 urte geroago, oraindik ez zaio ekin.

Ehun talde baino gehiagok bat egin dute Aroztegiko auzipetuen alde larunbatean Iruñean egingo den manifestazioan. Hitzordu garrantzitsua, ezbairik gabe, akusazioak ez baitu beraientzat alferrik eskatzen 20 urteko kartzela eta 56.000 euroko zigorra. Izan ere, talde kriminal antolatu bat izatea eta derrigortze- eta bortxa-delitu larriak leporatzen dizkie. Zer egin zuten, ba? Baztango Aroztegia parajean proiektu urbanistikoa eraiki nahi zutenek lanei legez kanpo ekin zietenean, auzipetuak hondeamakinen aurrean paratu ziren. Hori ez delitu!

Igandean, otsailak 2, Hezeguneen Munduko Eguna ospatuko da. Hori dela eta, Eguzki talde ekologistak Txingudiko hezegunean dagoen Plaiaundiko parkean zehar ibilaldi gidatu bat antolatu du. Hitzordua 11:00etan izango da, Plaiaundiko parkeko sarrerako Ekoetxean. Helburuetako bat San Lorentzoko aintzira handitzeko proiektua erreibindikatzea da. Izan ere, 2014an Eusko Jaurlaritzaren enkarguz Txingudiri buruz egin zen diagnosian “premiazko lehentasunetako bat” zela ondorioztatu zen. Hala ere, hamar urte geroago, oraindik ez zaie lanei ekin.

Eguzkik eta Ekologistak Martxan-ek administrazioarekiko auzi-errekurtsoa aurkeztu dute Oka ibaiak Urdaibain dituen emari ekologikoak murrizteko Ura agentziak onartutako ebazpenaren aurka. Horrelako erabakiek Biosfera Erreserbaren babes-maila murriztea dakarte eta beste batzuekin bat egiten dute (itsas-lehorreko jabari publikoaren babesaren mugaketak, adibidez) luxuzko alfonbra bat eskualdeko turistifikazio masiboko proiektuetara hedatzeko, non Guggenheim 2 Urdaibai proiektuak argi propioz distiratzen duen.

2004a ere amaitzear dago eta Plaiaundiko Parke Ekologikoaren parte den San Lorentzo urmaela handitzeko lanen arrastorik ez dago. “2024a ere”  esan dugu 2021eko otsailean Arantxa Tapiak, une hartan Ekonomiaren Garapen, Jasangarritasun eta Ingurumen sailburuak, proiektua aurkeztu eta lanak urte hartako “bigarren seihilekoan” hasteko moduan egongo zirela iragarri zuelako. 2023an, berriz, Jaurlaritzak ez, lanak Ministerioak egingo zituela esan zuten. Gaur urte. Jaurlaritzak orain dela hamar urte “premiazko lehentasunezkotzat” jo zuen proiektu honetan etengabeko atzerapenak salatu ditu Eguzkik.

Aspaldi honetan salatzen ari da zenbait sektore pribatuek kalteak eragin dituztela Aiako Harria parke naturaleko baso publikoetan. Eta gai honen inguruan eztabaidatu izan da Parke Naturalaren Patronatuaren hainbat bilkuratan, bai Donostiako eta Irungo Udalen aldetik, bai mugimendu ekologistaren ordezkarien aldetik. Hain zuzen ere, bi eremu horietan mehatxu hauek daude:

– Endarako Erreserba Eremuan (Irun): ahuntzak legez kanpo daude.
– Oberango basoan (Urdaburu, Donostia): florako espezie exotiko inbaditzaileak ugaritzen ari dira lur pribatuetatik, eta kontrolik gabeko ganadua (ardiak) dago.