Albistea

• Donibaneko saneamendua: oraingoa behin betikoa eta benetakoa izatea espero du EGUZKIK

  2017-12-03
  Partekatu - Compartelo

  
  

  

  Plenoan, Eguzkiko kide batek (zutik), Donibaneko elkarteetako hainbat kidek babestuta, hitza hartu zuen mozioa defendatzeko.

  Pasaiako Udalbatzak aho batez onartu du, aldaketa txiki bat eginda, Donibaneko saneamenduaren alde aurkeztutako mozio bat  (http://eguzki.org/2017/10/25/pasai-donibaneko-saneamendua-eskatzeko-mozioa-2/). Mozioa Eguzkik aurkeztu eta Donibaneko honako elkarte hauen b¡guztien babesa zuen: Bonanza Auzo Elkartea, Bixi-Bixi Elkartea, Itsas Gela, Koxtape Arraun Elkartea, Itsas Mendi Elkartea, Lintxua Dantza Elkartea, Aiton eta Amonen Elkartea, Albaola, Ixkiro Arrantza Elkartea eta Xanju Kirol Elkartea.

  Udalbatza berean, gebernu udal taldeak jakinarazi zuen Jaurlaritzak 400.000 euro aurreikusi duela 2018ko aurrekontu-proiektuan.  Diru horrek Donibane saneatzeko lanak 2018an bertan hastea ahalbidetuko luke. 2019an, berriz, milioi bat euro ipiniko luke Jaurlaritzak eta, 2020an, azkenik, 350.000 gehiago. Horrela saneamendu osoa finantzatu ahal izango litzateke.

  Gauzak horrela, Eguzkik honako balorazio hau egin du…

  Pasa den asteartean Donibaneko hamaika eragile sozialek, Eguzki taldearekin batera, Donibaneko saneamenduaren inguruan aurkeztutako mozioa Pasaiako Udalbatzarrean aztertzeko eta bozkatzeko parada izan zuten udala osatzen duten alderdiek. Azkenean, mozioa aho batez onartu zen, honek zituen bi puntuetatik bigarrenean aldaketa txiki bat txertatuz.

  Ez dugu ahaztu behar, duela 6 urte bukatua egon behar zen obra, egun proiektua egitearen fasean dagoela.  Hala ere, duela 6 urte egina egon behar zen ezinbesteko azpiegitura honen inguruan berriro erabateko adostasuna hitzez azaltzea aurrerapauso handia denik ez dirudien arren, gure baikortasun mugatua adierazi nahi dugu.

  Gaia honetan denbora luzean zehar izandako ez betetzeak kontutan hartuta, ez dugu ulertzen PSE-k eta EAJ-k mozioa onartzeko 2. puntuan eskatu zuten aldaketa. Jarrera horrek gogora ekartzen digu orain arte izandako ez betetzearen arriskua. Ez zegoen inongo arazorik mozioa zegoen bezala onartzeko, oraingoan konpromisoa benetakoa edo behin betikoa dela adierazten duen mezu argia eta garbia herriarrei bidaliz.

  Egoera ez dela berdina ezin da ukatu, aurrekontuetan dirua jasota dago nahiz eta nahiko ote den ez dakigun, ezta ze neurrian gauzatuko den ere. Eta hau da gaur egun benetako egoera, beharrezko azpiegitura egina egon behar zenetik 6 urte pasa eta gero.

  Berriro diogu, oraingoan behin betiko saiakera izatea espero du Eguzkik eta mozioa  sinatu zuten talde guztiek eta Donibaneko eta Badia inguruko biztanleek. Dena den, Udalbatzarrak hartutako konpromisoak betetzen ote diren jakiteko gaiaren gainean egongo garela hitz ematen dugu.

  Eguzki, 2017.12.01

  

  
  

  Partekatu - Compartelo