Albistea

  • Oreretako Pekin errekan isuriak izan direla eta, Ingurumen Fiskaltzak ikerketa-diligentziak ireki ditu

    2019-10-21
    Herritar batek bigarren isurian ateratako honako argazki hauek bidali dizkigu. Hildako arrainak errazago ikusteko aukera eta guzti eman digu.

    Herritar batek bigarren isurian ateratako honako argazki hauek bidali dizkigu. Hildako arrainak errazago ikusteko aukera eta guzti eman digu.

    Oreretako Pekin errekan isuri kutsakorrak izan direla eta, Ingurumen Fiskaltzak, Eguzkik egindako salaketa bati jarraituz, ikerketa-diligentziak irekitzea erabaki du, isuriak ingurumenaren aurkako delituak izan daitezkeelakoan.

    Lehenengo isuria irailaren 17an gertatu zen, eguerdi partean. Egun hartan, erreka zuriz tindatu zen Masti-Loidi eta Pontika bitartean, eta hainbat arrain hilik agertu ziren. Bigarren isuria, berriz, egun batzuk geroago gertatu zen, eta kasu horretan ere arrain ugari hil zen.

    Salaketaren bidez, Eguzkik agerian utzi nahi du hemen delituak egiten ari direla, alde batetik, eta, bestetik, Pekin errekak behar bezala saneatu gabe jarraitzen duela eta, ondorioz, kutsadura etengabe garraiatzen duela Pasaiako badiara.

    Alde horretatik, Herrera partean isurtzen duen Txingurri errekaren eta, batez ere, Pasai Donibaneren egoera berean dago. Txingurrin beste isuri bat salatu genuen orain dela gutxi: http://eguzki.org/2019/09/25/txingurri-errekako-saneamenduak-osatu-gabe-jarraitzen-duela-agerian-utzi-du-isurketa-batek/. Pasai Donibaneko saneamenduari dagokionez, berriz, 2019. urtea ere bukatuko da eta, promesak promes, lanek hasi gabe jarraituko dute: http://eguzki.org/2017/12/03/donibaneko-saneamendua-oraingoa-behin-betikoa-eta-benetakoa-izatea-espero-du-eguzkik/

    Noiz arte?

    EGUZKI, 2019ko urrian

    pekin2