Albistea

• Ibarrola errekaren egoera salatu eta Legazpiko Udalari garbitzeko eskatu dio Eguzkik

  2020-08-30
  Partekatu - Compartelo

  
  

  Legazpiko Ibarrola errekaren egoera salatu nahi du Eguzkik. Izan ere, erreka baino gehiago zabortegi bat dirudi, honako bideo honetan ikus daitekeen bezala:

  https://youtu.be/soW1nbpBDlg

  Gauzak horrela, Legazpiko Udalari eskatzen diogu, betiere bere eskumenen barruan, errekasto hori kutsatzen duten ehunka kilo zabor garbitzeko. Halaber, aurrerantzean zabortegi gisa erabil dezaten eragozteko neurriak ere eskatzen dizkiogu.

  Askotan geure buruari galdetzen diogu ea zein den Urolak itsasoranzko bidean garraiatzen dituen era guztietako hondakinen sorburua. Bada, Ibarrola eta antzeko erreka txikietan has gaitezke erantzuna bilatzen.

  Halaber, askotan, Agenda 21ean edo ingurumenari buruzko foro batean edo bestean, pedagogia egin beharraz hitz egiten dugu. Bada, Ibarrolan nola jokatu behar den eraskusteko aukera paregabea du Legazpiko Udalak.

  Eguzki, 2020ko abuztua

  
  

  Partekatu - Compartelo