bizikleta
-
Zubietako erraustegira martxa
2024-05-18Gaur goizean egin da Lasarte eta Zubietako erraustegi bitarteko martxa, Errasustegiaren Aurkako Mugimenduak deituta eta Donostia Bizirikek, Eguzkik eta Ekologistak Martxanek babestuta. Hemen dituzue irudi batzuk eta martxa bukaeran irakurri den testua oso-osorik. Hurrengo hitzordua ostegunean izango da, hilak 23, Hernanin. Bertan, ToxicoWatch-eko adituek aurkeztuko dituzte azken bost urteotan eginiko analisien emaitzak.
-
Martxa Lasartetik Zubietako erraustegira, larunbatean
2024-05-16Larunbatean, hilak 18, Lasarte-Oria eta erraustegi bitarteko martxa berri bat egingo da, Okendo plazatik goizeko 11:00etan abiatuta. Aurten ere Errausketaren Aurkako Mugimenduak antolatu du martxa, Donostia Bizirikek, Eguzkik eta Ekologistak Martxanek babestuta. Helburua erraustegia salatzea da, noski. Izan ere, mirari-produktu bat balitz bezala saldu ziguten, eta mirari-produktu guztiak bezala, lehendabiziko momentutik beretik hasi zen bere gabeziak agerian uzten.
-
Gladysi omenaldia, ekainaren 1ean
2024-05-14Dagoeneko martxan gaude Gladys del Estali urtero eskaintzen diogun omenaldia antolatzeko. Aurten, 45. urteurrena, ekainaren 1ean egingo dugu, larunbatean. Aurrerantzean ere honetaz xehe-xehe hitz egiteko aukera izango dugu, baina, momentuz, erreserbatu eguna. Bide batez, hona hemen kartela.
-
Lasartetik erraustegira, maiatzaren 18an
2024-05-09Bi deialdiren berri emateko agerraldia egin du Zubietan Errausketaren Aurkako Mugimenduak. Lehenengo deialdia da maiatzaren 18an Lasartetik erraustegira egingo den martxa berria. Bigarrena, berriz, erraustegiak sortutako kutsaduraren jarraipena egiten duten ToxicoWatcheko adituak laster Euskal Herrira egingo duten bisita. Azken bost urteotan egin dituzten analisien txostena aurkeztuko dute, eta aurreratu dutenez, badaude kezkatzeko moduko arrazoiak.
-
Illunbeko “faena” onena saritzeari uzteko eskatu dio Eguzkik Donostiako Udalari (*)
2024-05-06Illunbeko zezenketetan eginiko “faena” onenari Urrezko Maskorra emateari uzteko eskatu dio Eguzkik Donostiako Udalari, Kultura Ministerioak Tauromakiako Sari Nazionala emateari utziko dion bezala. Eskaera dela eta, sariarekin deslotu egin dela iragarri du Udalak, Pozten gara, noski. Orain azken urratsa egitea baino ez da falta: zezenketak udal-instalazioak ez uztea.
-
Leitzaranen jeitsiera berri bat bailararen antolamendua aldarrikapenaren ardatz hartuta.
2024-05-02Leitzaran ibaiaren jeitsiera berri bat egin dugu, Andoaingo Santa Krutz jaien barruan. 30 bat pertsonak parte hartu dute bertan eta hainbat aldarrikapen izan dira gogoan: turistifikazioa, hondakinetatik ibaia babestu beharra, Natur Parke izendapena… Baina aurten batez ere Leitzaranen batzen diren jarduera eta erabileren antolaketa eskatu nahi izan dugu, bereziki Leitzarango sarrera Lizarkolako (Galgo paper fabrika) gunera mugitu dadin aldarrikatuz.
-
Saturrarango hondartza, uda honetan kantina eta komunak itxita egongo dira saneamendu sarerik ez dagoelako
2024-05-02Urte askotako promesen ondoren, eta isekaz esan genezake, zeren horrela Eusko Jaurlaritzak gaia jorratu du, etsipenez ikusten dugu aurreikus zitekeen zerbait gauzatu da. Erabakiaz ari gara URA Agentziak (Eusko Jaurlaritza) ez du aldeko txostenik egin, Itsasertzetako Zuzendaritzari (Eusko Jaurlaritzari) Saturrarango hondartzan dauden komunak eta kantina irekitzeko baimena ematea.
-
Turismofobia gogoan al duzue?
2024-04-29Etxenbizitza turistikoen arazoa umorez salatzen duen horma-irudi honek, edo, hobeto esan, hau bezalako batek, oihartzun harrigarria lortu zuen orain dela urte batzuk, zehatz-mehatz, 2017an. Izan ere, La Vanguardia-n eta beste hedabide batzuetan erabili zuten, Donostian (baita Bartzelonan ere) piztu omen zen “turismofobia nazionalistari” buruzko informazioak ilustratzeko. Masifikazio turistikoa sortzen ari zen gero eta ezinegon handiagoa herritarren elkarrizketa pribatuetatik plazara ateratzen hasi zen, eta batzuek erabaki zuten hura lehenbailehen isildu beharra zegoela. Horretarako, “turismofobia nazionalista”, “turismofobia erradikala” edo biak ala biak erabili zituzten, norberaren interesen arabera. Zazpi urte geroago, “turismofobia-agerraldi” hura gogoan al dugu?
-
Quosque tandem, RENFE / Adif?
2024-04-29Murphiyk zioenez, egoerarik zailenak ere okerrera egin dezake, nabarmen okerrera, gainera, eta arrazoi oso-osoa zuen. Izan ere, Irun-Brinkola aldiriko linean zerbitzuaren kalitatea minimo historikoetan zegoela uste genuen, eta hala salatu dugu behin baino gehiagotan. Baina hara non RENFEk jakinarazi duen gaurtik aurrera trenen maiztasuna izugarri murriztu eta bidaien iraupena, berriz, nabarmen luzatuko direla. Murrizketa hauek oraingoan ere AHTren obren ondorio dira. Bai, oraindik ez dakigu milioiak eta milioiak xahutu eta xahutzen jarraitzen duen AHTa inoiz inora iritsiko den, baina badakigu, bitartean, ohiko trenak, herritarrek egunero lanera edo ikastera joateko erabiltzen duten trenak, etengabe degradatzen jarraitzen duela.
-
Eguzkik eta Mutriku Natur Taldeak salatu dute Jaurlaritzak angula-harrapaketa legeztatzeko egin duen saiakera berria, oraingoan “zelata-arrantzaren” aitzakian
2024-04-25Angula-arrantza profesionalizatzeko dekretu-proiektua berriz ere jendaurrean ipini du Eusko Jaurlaritzak. Profesionalizatzeko dekretuaren bidez, Jaurlaritzak saihestu nahi du Europar Batasunak 2023ko urtarrilean angularen aisialdiko arrantzaren gainean ezarri zuen debekua. Izan ere, aisialdikoa zen ordura arte Bizkaian eta Gipuzkoan legez egin zitekeen angula-arrantza mota bakarra. Jaurlaritzak onartzen du aingira europarra oso egoera larrian dela, baina, debekuari men egin ordez, “zelata-arrantza” proposatzen du, populazioen bilakaeraren segimendua egiteko. Alegia, angula arrantzatzen jarraitu nahi du… angularen beraren hobebeharrez! Koartada galanta.
-
Panpa belar inbaditzaileak kendu
2024-04-24Panpako Lumagilea, izenak dioen bezala, jatorriz Argentinako Pampakoa da, eta penintsulara ekarri zuten bere izaera apaingarriagatik, oso dotorea egiten duten gandor ikusgarriak baititu.
Baina, egia esan, oso landare kolonizatzailea da, bertako landaredia oso erraz lekualdatzen duena, eta biodibertsitatea eragozten duena.
Landare bakoitza milioika hazi aireratzeko gai dela kontuan hartuta, espezieak parerik gabe inguru berriak kolonizatzen jarraitzea ekarri du. -
Elikagaien subiranotasunaren eta eredu agroekologikorako trantsizioaren aldeko manifestazioa Iruñean
2024-04-22Nafarroako dozena bat nekazari entitatek elikadura subiranotasunaren aldeko eta nekazaritza eredu industrialaren aurkako deia egin dute Nekazari Borrokaren Nazioarteko Egunean. Datorren larunbatean, apirilaren 27an, Iruñean egingo den mobilizazio sozialerako deia egin dute, ehundik gora gizarte erakunderen babesarekin.
-
Zumaiako Joxe Mari Korta industrialdean uralitak Urola ibaira isuri dituztela salatu du Eguzkik
2024-04-18Urola bailaran dihardugun Eguzkiko kideok ikusi ahal izan dugu Joxe Mari Korta industrialdean uralita ugari isuri direla ibaira. Uralitak amiantoa du. Amiantoa kantzerigenotzat hartzen da, hau da, minbizia sortzeko gai den kanpoko agentetzat. Horregatik, 2001ean amiantoa merkaturatzea eta erabiltzea debekatu zen. Uralitan dagoen amiantoak osasun-arazo larriak eragiteaz gain, ingurumenari ere kalte egin diezaioke, behar bezala kudeatzen ez bada. Horregatik, uralitak kontrolik gabe isurtzea delitutzat ere har daiteke. Jaso ere, hondakin hauek ezin dira nolanahi jaso. Horretarako espresuki ahalbidetuta dagoen enp,resa batek jaso behar ditu baldintza jakin batzuetan.
-
Urola ibaia kutsatzen duten zabor tonak kentzeko eskatu die Eguzkik Zumaia, Aizarnazabal, Zestoa, Azpeiti eta Azkoitiko udalei
2024-04-09Eguzkik zorrotz salatzen du Urula ibaiaren egoera eta bailarako udalei eskatu die kentzeko, neurri zuzentzaile gisa, gaur egun nonahi ikus daitezkeen hondakinak. Halaber, proposatzen die hondakinak erabil ditzatela herritarrei egoeraren berri emateko eta, Urarekin batera, zaintza- eta kontrol-lana areagotzeko.
-
Santa Klara uhartearen esplotazio turistikoari ez! Uhartea naturarentzat eta bere habientzat!
2024-03-22Udaberria ate joka dabil eta Santa Klara uharteko itsas hegaztiak habiak egiteko prestatzen ari dira. Hala ere, udaberriarekin batera, Donostiako makinaria turistikoa ere martxan jartzen da. Beste behin, Udalak hartu zituen konpromisoak urratuz, Santa Klara uhartea eta Hondalea Aste Santuan bisitatu ahal izango dira. Berriz ere, hiriko baliabide naturalak eta kulturalak sektore turistikoaren interes pribatuen esku jartzen dira.