zezenketak
-
Abuztuak 12, manifestazio antitaurinoa Donostian
2017-08-03Donostiako Aste Nagusian urtero zezenketen kontra egin ohi den manifestazioa abuztuaren 12an izango da aurten. Donostia Antitaurina Orain! plataformak antolatuta, arratsaldeko 18:00etan abiatuko da Bulebarretik. Eguzkik dei egiten du espresuki parte hartzera, PPko Gobernuak galdeketa debekatu egin duela eta Eneko Goia EAJko alkatea, berriz, agindu zuenaren kontra, debekuaren aurrean ez dela ezer ere egiten ari salatzeko.
-
Lotsaren udal autobusa
2017-07-29Egunotan Donostian barrena zirkulatzen ikus dezakegu bizkarrean Illunbeko zezenketen publizitatea daraman autobus bat. Eguzkiren iritziz, lotsaren udal autobusa da. Izan ere, lotsagarria eta hipokrita ere bada Udalak, batetik, donostiarrok zezenketei buruz dugun iritzia galdeketa baten bidez jakin nahi duela esatea, baina, bestetik, Estatuak galdeketa horri jarritako betoaren aurrean ezer ez egitea eta, gainera, ikuskizun odoltsu horren mesedean gero eta udal ondare gehiago erabiltzea.
-
Antitaurinoak plazara irten ziren Vista Alegren
2017-06-12Antitaurino talde batek Bilboko Vista Alegre zezenplazako hondarretara jauzi egin zuen ostiralean, non “Erruki-Etxearen aldeko zezenketa” egin behar zen. Ekintzak gizarte-elkartasuna eta animaliak hil arte torturatzea bateragarriak ez direla adieraztea zuen helburu. Egia esan, ostiraleko zezenketa aurkeztu zen une baretik izan da polemika-iturri. Lehendabizi, “manolen” kontua izan zen, eta joan den astean, berriz, Guggenheimek bere irudia karteletik kentzeko eskatu zuen, Bilboko Klub Taurinoa baimenik gabe erabiltzen ari zela argudiatuta.
-
“Manolak”, besterik ez genuen behar
2017-04-28Bilboko Klub Taurinoak, hurrengo zezenketa “girotze aldera”, “manolak” nahi zituen. “Manolak” tereroen “amandreak” dira, folklore espainol zaharkituenak hain gustuko dituen peinetaz, mantelinaz eta mantoiaz jantzitako emakume horiek. EH Bilduk salaketa egin ondoren, Udalak ekimena bertan behera utzi du, sexista dela iritzita. Dena dela, oraingoan ere agerian geratu da non egiten duten herren negozio horretan hariak mugitzen dituztenek. Izan ere, jakina da zezenak plazan hiltzeko edo hiltzen ikusteko zaletasuna ez omen dela eskuinekoa ez ezkerrekoa, ez euskalduna ez espainola, baina hariak mugitzen dituzten horien joerak beti alde batera makurtzen dira, tostada beti gurinaren aldetik erortzen den bezala. Belmontek arrazoi zuen: “Norberak toreatzen du, norbera den bezala”.
-
PPren Gobernuak zezenketei buruzko galdeketa debekatu eta ezpata barru-barruraino sartu dio donostiarron erabakitze-eskubideari
2017-03-04Luzamendutan ibili ondoren, Espainiako Ministro Kontseiluak Donostiako Udalari jakinarazi dio zezenketei buruzko galdeketa egiteko baimenik ez duela. Honela, ezpata barru-barruraino sartu dio donostiarron erabakitze-eskubideari. Alkateak protesta egin du. Baina hau pro eta antitaurinoen eztabaidatik harago doan kontua kontuan izanik, protesta ez ezik zerbait gehiago egiteko unea ere badela uste du Eguzkik. Horregatik, galdeketa egiten ez den bitartean, zezenketak ez egiteko eskatu du. Gobernuaren betoa onartzen da, bestela.
-
“Txillardegi, ekologista eta animaliazalea”, hitzaldia
2017-02-03Txillardegi hil zeneko 5. urteurrenaren testuinguruan, Txillardegi Liburutegia herri ekimenak eta Eguzkik “Txillardegi ekologista eta animaliazalea” izenburuko hitzaldia antolatu dute. Otsailaren 10ean izango da, 18:30ean, Donostiako Liburutegiko ekitaldi-aretoan (sarrera San Jeronimo kaletik), eta bertan “Txillardegi eta ziminoa” liburuaren egile Markos Zapiainek eta Eguzkiko kide Martin Ansok hitz egingo dute. Ekologista eta animaliazalearena ez da, ez, Txillardegiren fazetarik ezagunena, eta bat baino gehiago harrituta geratuko da, seguru. Gonbidatuta zaudete, jakina.
-
PP zezenketen inguruko galdeketa ahalik eta gehien eragozten ari da, baina EAJk ezin du bere erantzukizuna saihestu
2017-01-30PP Estatuaren bitarteko guztiak erabiltzen ari da donostiarrok zezenketen inguruan egin behar dugun galdeketa eragozteko. EAJk, berriz, PP kritikatzen du, baina ez du ezer egiten, eta, PPk galdeketa egiten uzten ez duen aitzakian, zezenketei eusten die. Ez da begi-bistatik galdu behar Eneko Goia alkatea dela Illunben zezenketak berrezarri izanaren erantzule nagusia.
-
Estatuaren estokada latza donostiarron borondateari
2017-01-21Espainiako Gobernuak berriz ere atzerarazi du otsailean zezenketen inguruan Donostian egin behar zen herri-galdeketa. Eguzkik salatzen du PP estatu-aparatuez baliatzen ari dela donostiarron eskubide demokratiko bat ukatzeko. Halaber, salatzen du Udalak ezin duela eraso honen aurrean ezikusiarena egin, eta, donostiarroi galdeketa egiten uzten ez diguten bitartean, Illunben zezenketen menia edo moratoria bat aldarrikatzeko eskatzen dio.
-
Eguzki exige no negociar el uso del Iradier Arena para permitir maltrato animal
2016-12-09(Castellano) El día 2 de noviembre de 2016 se anunciaba el procedimiento para seleccionar empresario dispuesto a la “organización, explotación integral y gestión de espectáculos taurinos y artes afines” (sic.), lo cual suponía explotación de un espacio público bajo responsabilidad del equipo de Gobierno. Este y todos los usos, no puede estar justificado por los sádicos torturadores que viven con vehemencia la muerte en la plaza.
-
El gobierno municipal de Gasteiz apuesta por los toros y el maltrato animal.
2016-11-07Eguzki exige cumplir la mayoría social y del pleno de Gasteiz, sin licitar el uso de la plaza Iradier para el maltrato, cambiando éste en fiestas por otros actos lúdicos y respetuosos La llamada feria taurina atenta contra el respeto animal, sin excepción posible y debe desaparecer pues contradice la filosofía de la ordenanza municipal de tenencia de animales.
-
Bilboko Aste Nagusian ere zezenketen kontra
2016-08-22Zezenketen aurkako eta Animalien aldeko Bizkaiko Elkarteak antolatuta, datorren larunbatean, hilak 27, arratsaldeko 5etan, kontzentrazio bat egingo da zezen-plazaren aurrean, Zuhaitz edo Ametzola deituriko plazan. Kontzentrazioa egin ondoren, manifestazio bat egingo da kale nagusietatik barrena, Plaza Eliptikoraino. Hogei bat elkartek, horien artean Eguzkik, deialdiarekin bat egin dute. Zezenketen kontrako mobilizazioek aurten hogei urte bete dituzte. Ea askoz urteurren gehiago ez dugun oroitu behar.
-
Donostian zezenketen kontra egindako manifaren irudiak: azkena izango ote?
2016-08-16Donostian zezenketen kontra larunbatean egin zen manifaren irudiak dituzu hemen. Eguzkikook ere lau kartel handi eraman genituen, Espero dezagun argazki hauek “historikoak” izatea, hau da, espero dezagun larunbatekoa Donostian egin beharreko azken manifestazio antitaurinoa izatea.